Pistlar

Sameiginleg ábyrgð 5. mars 2010

Pettifor og Smith skrifa í Morgunblaðið í gær og gefa landsmönnum góð ráð fyrir þjóðaratkvæðagreiðsluna. Niðurstaða þeirra er sú sama og íslenskra stjórnvalda og Alþingis, að semja um málið og deila kostnaðinum. izle oyun oyun video pes youtube bedava izle izle oyun wikipedia facebook oyun

>>>

Skoðanakúgun 3. mars 2010

Þetta eru hinir einkennilegu tímar sem ég gat um í upphafi. Það þykir sjálfsagt mál að hafa uppi grímulausa skoðanakúgun og fjölmiðlar endurvarpa þessum málflutningi meira og minna gagnrýnislaust og án sjálfstæðrar athugunar. Helsta framlag formanns Framsóknarflokksins til íslenskra stjórnmála er að krefjast þess að menn sem vinna fyrir hið opinbera verði ýmist reknir eða áminntir fyrir skoðanir sínar um Icesave málið.

>>>

Líndal vegur að persónu 27. febrúar 2010

Það er mér ekki hulin ráðgáta hvað Sigurði gengur til með þessum ummælum sínum. Hann er að sá efasemdum um heilindi og grafa undan trúverðugleika þess sem orðin beinast að. Sigurður er að vega að persónu og draga mörk milli þjóðarinnar og hennar. Hann gerir sjálfum sér meiri óleik en mér finnst að hann eigi skilið. Honum ber engin skylda til þess að standa við hlið helstu lýðskrumara stjórnmálanna og á ekki heima í þeirra hópi.

>>>

Viðurkenning stjórnvalda á Icesave 20. febrúar 2010

Samþykkt Alþingis frá 5. desember 2008 felur ríkisstjórninni að leiða til lykta samninga við Alþjóðagjaldeyrissjóðinn á grundvelli fyrirliggjandi viljayfirlýsingar íslensku ríkisstjórnarinnar. Þar með staðfestir Alþingi áðurnefndar yfirlýsingar stjórnvalda um ábyrgð ríkisins á Icesave innstæðunum og gerir þær að sínum.

>>>

Eva Joly eykur ágreininginn 13. febrúar 2010

Eva heldur því fram að sennilegt sé að eignir Landsbankans muni aðeins duga fyrir um 30% Icesave skuldarinnar. Þar gerir hún enn einn ágreininginn, án rökstuðnings, nú við þá aðila sem hafa gefið út að hlutfallið verði líklega um 88% og jafnvel hærra. izle kral oyun oyun video pes bedava izle izle oyun video izle ara Adana oto kiralama,adana rent a car oyun

>>>

Fyrningarleið útvegsmanna 10. febrúar 2010

En óbreytt getur kerfið ekki verið. Hafi verið þörf fyrir breytingar fyrir áratug eru þær enn augljósari núna. Gallarnir eru svo hrikalegir að blindur maður sér. Á fáum árum jukust skuldir sjávarútvegsins gríðarlega, fyrst og fremst vegna þess að einstakir menn seldur veiðiréttinn fyrir gríðarlegar fjárhæðir, stungu peningunum í vasann en eftir sitja fyrirtækin með skuldirnar.

>>>

Forseti Íslands kominn út í fúafen 3. febrúar 2010

Forseti Íslands hefur ratað í slíkt fúafen síðan um áramót að engin leið er fyrir hann fær til baka. Forsetaembættið er orðið óþekkjanlegt og engin ríkisstjórn, hvorki sú sem nú situr, né þær sem síðar munu koma, mun sætta sig það pólitíska athafnasvið sem Ólafur Ragnar Grímsson hefur afmarkað sér. Nú sitja í raun tvær ríkisstjórnir í landinu, ríkisstjórn Jóhönnu Sigurðardóttur og ríkisstjórn Ólafs Ragnars Grímssonar. Í þeirri fyrri eru 12 ráðherrar en aðeins einn í hinni síðarnefndu.

>>>

Aðeins eitt prósent 28. janúar 2010

Eftir heils árs hörðustu deilur í manna minnum um nokkurt mál kemur í ljós að aðeins er deilt um vaxtakjör.Bretar tóku lán til þess að greiða innstæðueigendum og endurlána Íslendingum með föstum 5,5% vöxtum óverðtryggt. Mismunurinn er liðlega 1%.

>>>

Rannsókn á íslenska glæpnum 22. janúar 2010

Þátttaka Íslendinga í Íraksstríðinu með stuðningi við innrásina er glæpur sem landsmönum svíður enn í dag. Glæpi á að upplýsa, í stjórnarráðinu sem á götum úti og draga afbrotamennina fyrir dómstóla og rétta yfir þeim. Þeir sem eru ábyrgir í málinu verða að sæta ábyrgð. Það er ekki að sæta ábyrgð að verða Seðlabankastjóri. Það er ekki að sæta ábyrgð að verða framkvæmdastjóri Norðurlandsráðs.

>>>

Sparifé hrakið úr landi 20. janúar 2010

Íslenskir sparifjáreigendur standa þá í þeim sporum að fé þeirra er ótryggt í bönkum hér á landi en öruggt í öðrum löndum EES. Það gefur auga leið að þeir hljóta að grípa til þess að flytja fé sitt í erlenda banka og hafa til þess fullt frelsi enda er frelsi til þess að flytja fjármagn milli landa innan EES. dinle izle video

>>>

Erlendur hrærigrautur Egils 17. janúar 2010

Ég vil að lokum minna á 8. grein útvarpslaga frá 2000 sem kveður á um tal og texta á íslensku.Meginreglan sem sett er í lögunum og gilda um Silfur Egils rétt eins og Kastljós og útvarpsfréttir er þessi: Efni á erlendu máli, sem sýnt er á sjónvarpsstöð, skal jafnan fylgja íslenskt tal eða texti á íslensku eftir því sem við á hverju sinni.

>>>

Hef ekki við að trúa 15. janúar 2010

Stundum er fréttaflutningurinn þannig að hlustandinn veit varla hvaðan á hann stendur veðrið. Þannig leið mér eftir að hafa hlustað á frétt á Stöð2 á miðvikudagskvöldið. En endursögn af fréttinni birtist nær samtímis á vísir.is og tók af allan vafa um að heyrst hefði rétt og reyndar bætti um betur.

>>>

Kjósum og samþykkjum Icesave 2. grein 11. janúar 2010

Samningurinn er umdeilanlegur eins og allt sem gert er og sjálfsagt að nýta tækifæri sem kunna að gefast til þess að gera hann skárri. En það verður að teljast viðunandi niðurstaða að greiða aðeins um helming Icesave innstæðnanna og fá Breta og Hollendinga til þess að taka á sig um 400 milljarða króna, þriðjunginn af heildarfjárhæðinni.

>>>

Lítilsvirðing fjölmiðla 10. janúar 2010

Fjölmiðlar er mikilvægir, þeir eru líka mikilvægir í umræðunni um Icesave. Þeir verða að setja sér að draga fram staðreyndir, skoðanir og álitamál. Það eru landsmenn, kjósendur sem eiga að draga ályktanir af framlagi fjölmiðla. Það myndi ég vilja að fjölmiðlarnir hefðu í huga. film izle

>>>

Kjósum og samþykkjum Icesave 7. janúar 2010

Þjóðaratkvæðagreiðslan er prófsteinn á ríkisstjórnina ekki síður en stjórnmálaflokkana. En skársti kostur kjósendanna er að samþykkja lögin og ljúka Icesavemálinu burtséð frá afstöðu til ríkisstjórnar eða einstakra stjórnmálaflokka. Kjósendur geta lokið málinu þótt stjórnmálaflokkarnir bregðist.

>>>

Drögum umsóknina um ESB aðild til baka 4. janúar 2010

Nú þarf að lægja öldur og setja niður deilur í íslensku samfélagi. Það þarf að horfast í augu við innlend mistök, spillingu, valdbeitingu og viðurkenna og færa til betri vegar. Það er ærið verkefni sem krefst allra okkar krafta á næstu árum. Það er um of að bæta ESB málinu við.

>>>

Ekki eina krónu 22. desember 2009

Ríkissjóður hefur engar skyldur við Björgólf, sérstaklega ekki að veita honum verðlaun fyrir að ávaxta fé sitt hér á landi. Nóg hefur hann fengið.

>>>

Stjórnmálaflokkarnir og formennirnir stikkfrí 13. desember 2009

Svo er það spurningin hvenær flokkarnir taka á sig niðurskurðinn sem verður á útgjöldum ríkisins á árinu 2010. En þeir eru greinilega stikkfrí í a.m.k. eitt ár frá aðhaldi sem öðrum er ætlað að bera. Spyrja má að lokum hvort formenn stjórnmálaflokkanna telja sig áfram undanþegna niðurskurðinum og hafna yfir aðra alþingismenn.

>>>

1100 milljarða króna álit ESA 9. desember 2009

ESA telur að neyðarlögin brjóti ekki í bága við ákvæði EES samningsins.Þessi niðurstaða er um 600 milljarða króna virði fyrir íslenska skattgreiðendur.Fyrirsjáanlegt er að ESA telji að sama ábyrgð verði að vera á öllum innstæðum í Landsbankanum óháð þjóðerni eigandans og óháð því í hvaða útibúi bankans peningarnir voru vistaðir. Í Icesave samkomulaginu greiðir íslenska ríkið aðeins lágmarkstrygginguna.Það munar um 520 milljörðum króna á því og öllum innstæðunum. Það má því segja að bráðabirgðaálit ESA jafngildi um 1100 milljörðum króna fyrir Íslendinga.

>>>

Stiklað framhjá staðreyndum 3. desember 2009

Frumkvæði að stefnubreytingu ríkisstjórnarinnar kom frá formanni og varaformanni Framsóknarflokksins og rétt að halda því til haga.Þá efa ég ekki að fleiri hafi beitt sér fyrir úbótum þessa mánuði þótt ég viti ekki um það og eflaust hefur það haft áhrif líka. En ég tel að atbeini Halldórs og Guðna hafi haft úrslitaáhrif.Ef þeir hefðu ekki beitt sér og tekið frumkvæði þarna um haustið væri alveg óvíst hvar málið væri statt nú fjórum árum síðar.

>>>

Áfram vestur - öruggar samgöngur eru mannréttindi 30. nóvember 2009

Á laugardaginn var haldinn baráttufundur á Ísafirði fyrir bættum samgöngum á Vestfjörðum. Minnt var á að öruggar samgöngur eru mannréttindi.Sérstaklega var lögð á hersla á að tengja saman norður og suðurhluta Vestfjarða með heils árs öruggum samgöngum í kjölfar uppbyggingar á veginum um Barðastrandarsýsluna. Til þess þarf Dýrafjarðargöng og nýjan veg yfir Dynjandisheiði. Fundurinn var geysifjölmennur, líklega á annað hundrað manns komu í misjöfnu veðri og alger samstaða var um ályktun fundarins. Að fundinum stóð 12 manna hópur, einstaklinga sem eru búsettir í fjórðungnum.

>>>

Á móti eigin kjósendum. 26. nóvember 2009

Borgarfulltrúarnir hafa ekki endurspeglað afstöðu borgarbúa. Eftir síðustu borgarstjórnarkosningar reyndust 14 þeirra vilja völlinn úr Vatnsmýrinni en aðeins einn borgarfulltrúi styður hann. Þegar sá kom úr veikindaleyfi var honum gert að framvísa læknisvottorði til sönnunar um andlegt hæfi sitt til þess að starfa í borgarstjórninni.

>>>

Sérstakur persónuafsláttur 14. nóvember 2009

Byrði beinna skatta hefur síðustu 15 ár þyngst meira á lágar tekjur en háar. Ójöfnuður í þjóðfélaginu hefur aukist. Hjá þeim sem hafa 20% lægstu tekjurnar, hefur skattbyrðin hækkað þrisvar sinnum meira en meðaltalinu nemur. Nú þarf að snúa þróuninni við og auka jöfnuðinn í þjóðfélaginu.

>>>

Skötuselurinn vegur að kvótakerfinu 12. nóvember 2009

Nýjasta stjórnarfrumvarpið um breytingar á lögunum um stjórn fiskveiða er að mörgu leyti merkilegt mál og í því gagnlegar breytingar lagðar til. Sérstaklega er það skötuselsákvæðið sem vekur athygli og verður forvitnilegt að fylgjast með því hvort það verður að lögum. Gangi það eftir verður búið að vega svo að eignarhaldi útvegsmanna á aflahlutdeildum að leitt getur til róttækra breytinga.

>>>

Frelsið varð til skaða 2. nóvember 2009

Í síðasta mánuði var forvitnileg grein í vikuritinu Economist einmitt um þetta málefni. Bent var á að sams konar þróun hefur orðið í ýmsum Evrópulöndum, heimili og fyrirtæki safna skuldum í annarri mynt en eigin af sömu ástæðu og hér á landi. Það er þá eftir allt hægt að setja frelsinu reglur. Það hefði komið sér vel bæði fyrir skuldara og skattgreiðendur ef íslensk stjórnvöld hefðu hugað að þessu, öllum almenningi til hagsbóta. Af hverju var það ekki gert?

>>>

520 milljarðar króna 28. október 2009

Fyrir liggur að stjórnvöld í öllum löndum Evrópska efnahagssvæðisins túlka lögin þannig að bregðist innstæðutryggingarkerfið þá komi til ábyrgð ríkisins. Íslendingar eru einir um sína túlkun. Það eru skýr merki um að við gætum haft rangt fyrir okkur. Hver vill taka 520 milljarða króna áhættu í þessari stöðu?

>>>

Aflaráðgjöf sjómanna 26. október 2009

Gert er ráð fyrir að ráðgjafarnefnd sjómanna afli gagna um lífríkið í hafinu, veiðar, veiðisvæði og veiðarfæri og aðrar upplýsingar sem sjómenn draga saman við störf sín. Þessi gagnagrunnur mun eflast með árunum og bæta matið á burðarþoli fiskistofnanna. Ég tel engan vafa leika á því að aflaráðgjöf sjómanna með þessum hætti mun verða tekin alvarlega af ráðherra.

>>>

Mistök í lagasetningu jók Icesave vandann 20. október 2009

Þetta var einmitt kjarninn í Icesave innstæðunum. Landsbankinn bauð óvenjulega háa vexti til þess að útvega sér lausafé í vandræðum sínum. Þeir, sem bitu á agnið, hlutu að gera sér grein fyrir því að hærri vöxtum hlaut að fylgja aukin áhætta og eðlilegt að þeir hinir sömu bæru áhættuna. Ef tillaga sparisjóðanna hefði verið samþykkt hefðu Icesave innlánin að öllum líkindum verið utan við innlánstryggingarkerfið.

>>>

Innstæður landsmanna úr landi? 19. október 2009

Hvers vegna ættu íslenskir sparifjáreigendur að geyma peningana sína í landi þar sem Tryggingarsjóðurinn á ekki krónu og mun ekki eiga að óbreyttu í áratugi, löggjafarvaldið og ríkisstjórnin eru samstíga í því að túlka gildandi lög þannig að engin ábyrgð ríkisins sé á skuldbindingum Tryggingarsjóðsins og engin fyrirhuguð lagasetning er til þess að tryggja spariféð?

>>>

Umskiptingar 11. október 2009

Steingrímur J. Sigfússon segir eitt í stjórnarandstöðu og annað í stjórn. Bjarni Benediktsson og Þorgerður Katrín Gunnarsdóttir hafa aðra skoðun í stjórnarandstöðu en þau töluðu fyrir sem stjórnarliðar. Þetta háttalag eykur ekki álit almennings á stjórnmálamönnum, þvert á móti. Stjórnmálin þurfa að breytast og leikrit umskiptinganna er eitt af því sem má hverfa.

>>>

Illt verður verra 6. október 2009

Rétt ár er liðið frá bankahruninu. Lítið hefur miðað í rétta átt og raunar verður með hverjum deginum sem líður illt verra. Vandinn er verstur á stjórnmálasviðinu. Deilt er um öll viðfangsefni, ríkisstjórnin kemst ekkert áfram vegna innri ágreinings og stjórnarandstaðan leggur sig fram af fremsta megni að spilla sem mest fyrir. Afleiðingin er sú að almenningur verður fyrir enn meiri búsifjum en annars þyrfti að vera. Svona getur ekki gengið lengur. Of mikið er í húfi fyrir framtíð lands og þjóðar.

>>>

Óttinn við kjósendur 28. september 2009

Flokkarnir eru hræddir við kjósendur. Þeir treysta ekki kjósandanum til þess að velja fulltrúa sína og ríghalda í kosningafyrirkomulagið sem hefur verið í gildi síðustu hálfa öldina. Það er alls endis óvíst að þeim verði að ósk sinni. Þegar orsakir bankahrunsins verða betur ljósar verður sjálft stjórnmálakerfið komið í sviðsljósið og krafist verður endurbóta á því.

>>>

Íbúðalánasjóður til bjargar 23. september 2009

Fyrir 5 árum hófu viðskiptabankarnir, sem nú eru allir fallnir, stórsókn gegn Íbúðalánasjóði. Þeir kröfðust þess af þáverandi ríkisstjórn, að sjóðurinn yrði lagður niður og íbúðalánin færð til bankanna. Nú er þessi orrusta búinn með fullkomin ósigri hinna gráðugu og ósvífnu. En herkostnaðurinn er mikill. Hann mun lenda að einhverju leyti á kröfuhöfum bankanna, innlendum sem erlendum. En íslenskir skattgreiðendur fá sinn skerf af tapinu. Það er útlit fyrir að tugmilljarða króna afskriftir lána muni falla á ríkissjóð, kannski mun meira.

>>>

Kvótinn veðsettur Seðlabanka Evrópu 10. september 2009

Núverandi fyrirkomulag hefur leitt af sér gríðarlega verðhækkun veiðiheimildanna og útgerðarmenn hafa keppst við að taka út úr fyrirtækjunum risafjárhæðir, stungið þeim í eigin vasa og skilið þær eftir sem skuldir á fyrirtækjunum. Þessar skuldir, sem fyrirtækin velflest ráða svo ekkert við, er svo verið að afskrifa hægt og hljótt í skilanefndum bankanna þessa mánuðina, jafnvel með kennitöluflakki. Óbreytt kerfi mun að aðeins leiða til þess að sagan endurtaki sig. Ef það gerist mun Seðlabanki Evrópu ekki bara eiga veð í íslenskum sjávarútvegi heldur beinlínis eignast hann.

>>>

Sóknaráætlun strandar í Reykjavík 7. september 2009

Að lokum er knýjandi að stjórnmálaflokkarnir upplýsi þjóðina um ástæður þeirrar þversagnar sem er á gerðum borgarfulltrúa þeirra og vilja kjósenda um ráðstöfun lands í Vatnsmýrinni. Hvers vegna eru hagsmunir byggingarfyrirtækja teknir fram yfir almannahagsmuni? Fyrirtækja sem sum hver hafa styrkt flokkana eða einstaka frambjóðendur þeirra í prófkjörum og kosningum.

>>>

Áleiðis - en áfram í brimskaflinum 28. ágúst 2009

Það er verst fyrir þjóðina hvað dregst að ljúka Icesave málinu. Það tefur alla uppbyggingu og endurreisn í þjóðfélaginu og viðheldur ástandi þar sem kröftunum er beint fyrst og fremst í deilur og átök.Öllu öðru mikilvægara er að fá þjóðina til þess að hafa trú á sjálfri sér og þeirri framtíð sem hún getur skapað sér. Það er skylda allra stjórnmálaflokka að vinna að því og setja þjóðarhagsmuni ofar flokkshagsmunum.

>>>

Engrar undankomu auðið 24. ágúst 2009

Eitt af því sem fylgir EES samningnum er að einsleitnin verður að gilda án tillits til þjóðernis. Kjarni samninsins er: sömu lög fyrir alla innan Evrópska efnahagssvæðsins. Það leiðir af sér að innistæður útlendinga í íslenskum banka eru jafntryggar og innistæður Íslendinga. Icesave eru innistæður í íslenskum banka. Undan ábyrgð á þeim verður ekki vikist.

>>>

Straumrof 21. ágúst 2009

Það hefur varla farið framhjá nokkrum manni straumrofið í dómgreind stjórnenda hins gjaldþrota banka Straums. Þeir sitja upp með þann dóm á eigin verkum að bankinn er kominn í þrot og bera ábyrgð á því að auki, að margir lánadrottnar bankans munu tapa háum fjárhæðum. Þetta eru verkalokin þrátt fyrir góð laun þeim til handa og velsmurt árangurstengt launaábatakerfi.

>>>

Of lítið vægi landsbyggðarinnar 5. ágúst 2009

Þjóðin getur ekki búið við óbreytta löggjöf ef ekki á illa að fara. Gera verður róttækar breytingar á stjórnarskránni sem dregur úr miðstýringu og færir völd og áhrif í mikilsverðum málum frá Alþingi og ríkisstjórn til íbúa á einstökum landssvæðum.

>>>

Mikið vægi atkvæða en lítil áhrif 31. júlí 2009

Að öllu samanlögðu er niðurstaðan hér á landi að þrátt fyrir misvægi atkvæðanna eru áhrif landsbyggðarinnar lítil og örugglega minni en þau væru ef stuðst væri við nánast hvert annað kerfi erlendis sem fyrirfinnst. Þörfin fyrir breytingu er þess vegna augljós. En hún er til þess að styrkja einstök svæði á landsbyggðinni og draga úr ofurvaldi höfuðborgarsvæðsins.

>>>

Litla Ísland 28. júlí 2009

Það getur hver maður gert sér í hugarlund hvaða tillögur stjórnlagaþing höfuðborgarsvæðisins muni gera um breytingar á stjórnarskránni. Borgríkið Litla Ísland mun með formlegum hætti taka við af lýðveldinu. Svar landsbyggðarinnar við þessum áformum er það að halda sín eigin stjórnlagaþing og skrifa stjórnarskrá sem færir fólki um allt land lífvænlega framtíð.

>>>

Vilhallur þáttur RÚV um Evrópusambandið 23. júlí 2009

Það er óumdeilt að stjórnarskráin heimilar ekki aðild að Evrópusambandinu. Þess vegna verður að breyta henni áður en til aðildar kemur. Hvað er mikilvægara en einmitt að gera grein fyrir því hverju þarf að breyta og hvernig og hvaða áhrif það hefur á sjálfstæði þjóðarinnar? Það er satt að segja ótrúlegt að fréttastofa Ríkisútvarpsins skuli algerlega sneyða hjá þessu lykilatriði málsins.

>>>

Inn í Evrópusambandið til þess að bjarga ríkisstjórninni 16. júlí 2009

Stjórnmálaflokkur á að vera um skýra stefnu en ekki utan um einstaklinga með gerólík sjónarmið. Stefnan er meginmálið en ekki tilvist flokks. Stjórnmálaflokkur er tæki til þess að ná stefnunni fram. En nú eru of margir flokkar tæki fyrir einstaklinga til þess að ná fram eigin metnaði burtséð frá stefnunni. Það kann ekki góðri lukku að stýrra.

>>>

Efnt til illdeilna 8. júlí 2009

Í mánudagsblaði Fréttablaðsins skrifar Steinunn Stefánsdóttir skoðun blaðsins með þeim einarða ásetningi að efna til illdeilna við fólk á landsbyggðinni. Hún ber þær sakir á samgönguráðherra undanfarinna áratuga að þeir hafi stjórnast af kjördæmapoti við ákvörðun verkefna í vegagerð og að þeir beri ábyrgð á banaslysum á Suðurlandsvegi og Vesturlandsvegi. Hún leggst gegn verkefnum á landsbyggðinni“ þar til framkvæmdum við allra fjölförnustu hluta þjóðvegar eitt er lokið“.

>>>

Hvern er verið að blekkja? 4. júlí 2009

Hvernig má það vera að skorið er niður fé á fjárlögum ríkisins til samgöngumála á þessu ári og því næsta fyrir 12 milljarða króna en boðaðar á sama tíma miklu meiri framkvæmdir? Hvern er verið að blekkja?

>>>

Sértækar aðgerðir 2. júlí 2009

Ríkisstjórnin, aðilar vinnumarkaðarins og lífeyrissjóðirnir hafa ákveðið að búa til sértækar aðgerðir fyrir höfuðborgarsvæðið framhjá ríkisfjármálunum. Í eina tíð voru sértækar aðgerðir skammaryrði, en það var þegar þær voru á Vestfjörðum. Það eru kannski tvær þjóðir í landinu? Sértækar aðgerðir fyrir aðra og sérhagsmunir fyrir hina.

>>>

400 milljarða kr. skuld afstýrt 1. júlí 2009

ef tillaga Jóhönnu og fleiri hefði verið samþykkt má ráða að skuldin hefði hækkað um liðlega 400 milljarða króna og þá ríkisábyrgðin að sama skapi. Ef það er nálægt lagi má segja að hvert atkvæði gegn tillögunni hafi sparað þjóðarbúið um 12 milljarða króna.

>>>

Atvinnan heim - með skaplegra gengi krónunnar 29. júní 2009

Jóhann Jónsson, stjórnarformaður 3Xtechnology á Ísafirði sendi mér á dögunum lauslega samantekt sína yfir breytinguna á Ísafirði á 2 – 3 áratugum. Hann rifjar upp að Skipasmíðastöð Marsellíusar hafi verið stórfyrirtæki með um 70 manns í vinnu. Vélsmiðjan Þór var með um 60 manns. Póls og Póllinn voru með um 25 manns hvort fyrirtæki. Samtals telur hann upp fyrirtæki með um 250 störf sem eru horfin.

>>>

Forneskjan í Háskóla Íslands 25. júní 2009

Þetta er bara hagsmunagæsla þegar allt er á botninn hvolft og snýst um peninga og nemendur. Það er forneskjan sem hrjáir Háskóla Íslands. Það er fyrir löngu viðurkennd staðreynd að þekking og menntun eru ekki staðbundin fyrirbæri. Þeirra getur hver maður aflað sér hvar sem er og flutt með sér hvert sem er.

>>>

Frelsi eins verður helsi annars 18. júní 2009

Vilja menn endurreisa óbreytt frelsi og endurtaka hildarleikinn? Mér er til efs að nokkur hljómgrunnur sé fyrir því. Lærdómurinn, sem á að draga af bankakreppunni, er að stjórnvöld í öllum löndum vilja verja sparifé og grípa inn í með ríkisábyrgð og fjárframlögum. Það er því í raun ríkisábyrgð á fjármálastarfsemi hvað það varðar.

>>>

Yfirþyrmandi framkvæmdavald Ögmundar 8. júní 2009

Það var einu sinni stjórnmálamaður sem þoldi illa að sjálfstæðar stofnanir ríkisins létu ekki að stjórn. Fyrir sjö árum var Þjóðhagsstofnun lögð niður með lögum. Enn er komið fram á sviðið hið yfirþyrmandi framkvæmdavald sem vill stjórna með tilskipunum stofnunum sem sýna tilburði til sjálfstæðis. Það tók ekki langan tíma, aðeins fjóra mánuði.

>>>

Aðgerðarleysið er vandinn 4. júní 2009

Verkkvíði stjórnarflokkanna er orðinn skaðlegur almenningi og fyrirtækjum landsins. Ef ríkisstjórnin hefði unnið sitt verk væru stýrivextirnir líklega á bilinu 4 – 8% í stað þess að vera 12%.

>>>

Við vorum ekki látin í friði! 24. maí 2009

En ástæða þess að LÍÚ er ekki látin í friði er einföld. Einstakir handhafar kvótans létu okkur ekki í friði. Þeir tóku ákvarðanir án tillits til okkar, sem áttu mikið undir blómlegri útgerð og vinnslu í sjávarplássunum. Þeir gengu á bak orða sinna ef því var að skipta og bæði lugu og sviku. Þeir sköðuðu hagsmuni þúsunda, fyrst og fremst á landsbyggðinni

>>>

Þingforseti stjórni Alþingi 19. maí 2009

Þarna átti Jóhanna Sigurðardóttir ákjósanlegt tækifæri til þess að hefja breytingarnar á vinnubrögðunum og verklaginu. Hún átti svara spurningum fréttamanna þannig að það sé forseta Alþingis að stjórna þinghaldinu og til hans verði þeir að snúa sér til þess að fá svör um það. Forsætisráðherrann á ekkert með það að gefa út yfirlýsingar um verkefni þingforseta

>>>

Út úr ógöngunum 17. maí 2009

Sjávarútvegurinn á Íslandi er líklega staddur í verri ógöngum en nokkru sinni áður. Ábyrgðarlausar reglur um framsal veiðiheimilda og ótímabundin úthlutun þeirra eru höfuðorsökin fyrir því hvernig komið er. Það mun aldrei þrífast heilbrigður rekstur í svo gölluðu umhverfi.

>>>

Fádæma rugl 14. maí 2009

Tillaga ríkisstjórnarinnar um aðild að Evrópusambandinu er slíkt fádæma rugl að hún á sér engan líka. Verði hún samþykkt fær ríkisstjórnin samþykki Alþingis fyrir því að leggja inn umsókn um aðild að ESB án nokkurra skilyrða né samningsmarkmiða og það sérkennilega er að ákveðið er fyrirfram að aðildarsamningur verði gerður og um hann kosið í þjóðaratkvæðagreiðslu.

>>>

Er málinu lokið? 6. maí 2009

Ástæðan fyrir því að umræðan fyrir kosningarnar var svo beitt sem raun bar vitni og hafði mikil áhrif á gengi flokka og einstaklinga voru grumsemdir um að fjármagnið hefði haft áhrif á pólitísk störf að loknum kosningum. Þess vegna gengur ekki að málið sofni. Það verður að ljúka því verki sem hafið var og fjölmiðlarnir geta ekki hlaupist frá því. Þeir hófu leikinn og gerðu vel með því og þeir verða líka að hafa þrek til þess að ljúka honum.

>>>

Landsbyggðin borgar : 50% lækkun eignaverðs 5. maí 2009

Á þessum þremur síðasttöldu stöðum, Ísafirði, Húsavík og Höfn, má ætla að samanlagt verð íbúðarhúsnæðis sé um 40 milljörðum króna lægra en það væri ef verðið væri enn sama hlutfall af verði íbúðarhúsnæðis á höfuðborgarsvæðinu og það var fyrir tuttugu árum. Fljótt á litið vantar um 12 milljónir króna á íbúð að meðaltali.

>>>

Verkefni ríkisstjórnarinnar önnur en ESB 27. apríl 2009

Verkefnin sem kjósendur hafa falið ríkisstjórninni að sinna eru ærin, önnur en Evrópumálin. Það væru mikil mistök að líta framhjá ríkum vilja kjósenda til grundvallarbreytinga á þjóðfélaginu og einblína á aðild að Evrópusambandinu. Það mál er vissulega mikilvægt og verður átakamál á komandi árum en fólkið var að kjósa ríkisstjórnina en ekki ESB.

>>>

Platákvæði um þjóðareign og valdarán 20. apríl 2009

Það er ekkert ókeypis í veröldinni og það á við um aðild að Evrópusambandinu. Hún fæst ekki án gjalds og það sem Evrópuþjóðir ásælast er aðgangur að auðlindum okkar, fiskistofnum og orkunni. Aðildarviðræður eru viðskipti en ekki þróunarhjálp Evrópu við Íslendinga sem hafa komið sér í vandræði. Höfum það í huga.

>>>

Fyrri hálfleikur 15. apríl 2009

Það er margt sem bendir til þess að uppgjörið, sem verður við hugmyndafræði og stefnu flokkanna, muni leiða til verulegra breytinga á stjórnmálasviðinu. Stefna sumra flokka mun taka verulegum breytingum og aðrir munu líða undir lok og nýir flokkar verða til. Ég sé fyrir mér ákaflega spennandi tíma í stjórnmálunum þar sem tekist verður á um grundvallarhugtök í þjóðmálunum.

>>>

Eldhúsdagur á Alþingi 8. apríl 2009

Það er ekkert mikilvægara næstu tvö árin en að þjóðin haldi ró sinni og staðfestu og að stjórnvöld hafi þrek til þess að vinna það verk sem þarf. Þá komumst við út úr mestu erfiðleikunum fyrr en ella. Ef komandi ríkisstjórn gugnar og landsmenn missa kjarkinn þá er voðinn vís. Þá tapa allir. Þess vegna verður mér svo tíðrætt um efnahagsmálin, við eigum svo mikið undir því að vel takist til. Efnhagslegt sjálfstæði þjóðarinnar er í húfi.

>>>

Stjórnlagaþing borgríkisins 6. apríl 2009

Í ljósi þess að almenn samstaða virðist vera um formbreytinguna,það er hvernig stjórnarskránni verði framvegis breytt er það sérkennilegt að ætla samhliða taka þrjú efnisatriði og afgreiða þau án þess að bera þau undir kjósendur landsins. Spyrja má hvers vegna er kjósendum ekki treyst fyrir því að afgreiða þau mál eins og öll önnur sem síðar kunna að koma.

>>>

Skipulagt svindl og svínarí 2. apríl 2009

Þetta er ótrúleg lýsing á ófyrirleitni manna. Viðskiptabankarnir, flaggskip íslenska fjármálaundrisins, veittu viðskiptamönnum sínum sérstaka þjónustu til þess að komast undan eðlilegum greiðslum til samfélagsins.

>>>

Ríkisstyrkur í sjávarútvegi 26. mars 2009

Með framsalinu getur útgerðaraðili rakað til sín fé án nokkurs tilkostnaðar og hefur nánast sjálfdæmi um gjaldtöku í eigin vasa fyrir veiðar á Íslandsmiðum. Það má kannski kalla þetta hina fullkomlega einkavædda skattheimtu þar sem skattheimtumaðurinn þarf engu að skila til ríkisins fyrir afnot af skattstofninum. Þetta er engu skárra fyrirkomulag en ótýnd glæpastarfsemi sem verður að uppræta með harðri hendi.

>>>

Kosið um ríkisstjórn og persónukjör 20. mars 2009

Flokksræðið hefur sína annmarka sem berlega hafa komið í ljós á síðustu 10 – 15 árum. Það er tímanna tákn að traust á Alþingi hefur þorrið á þessum tíma og er í sögulegu lágmarki um þessar mundir. Það vil ég túlka sem kröfu kjósanda um þau áhrif sem þeim ber. Henni verður aðeins mætt með því að færa almenningi réttmæt völd í gegnum atkvæðaseðil á Alþingiskosningunum.

>>>

Eftirgjöf ríkisins og launamanna verður að arðgreiðslum 18. mars 2009

Ef gert er ráð fyrir að eftirgjöf landverkafólksins á umsaminni kauphækkun vari í tvö ár þá eru það um 48 milljónir króna. Arðgreiðslan nú er nokkurn vegin sama fjárhæð og nemur samanlagðri eftirgjöf launafólks og ríkissjóðs. Þetta er ekki hægt að sætta sig við. Ætlar ríkisstjórnin að viðhalda ríkisstyrk sínum til sjávarútvegsfyrirtækja þegar svona er staðið að málum?

>>>

Kvótakerfinu verður að breyta 5. mars 2009

Yfirgnæfandi meirihluti stuðningsmanna þriggja flokks styðja breytingar á kvótakerfinu og nú er meira en mögulegt að þessir sömu flokkar myndi ríkisstjórn að Alþingiskosninunum loknum. Það er einstakt tækifæri til þess að leiða til lykta með farsælum hætti áralagt deilumál sem klofið hefur íslensku þjóðina í herðar niður.Það tækifæri má ekki láta ónotað.

>>>

Skattar eftir efnum og ástæðum 2. mars 2009

Mikilvægt er að gæta þess að jafna byrðunum á almenning eftir efnum og ástæðum í meira mæli en verið hefur á undanförnum árum. Í góðærinu var tilhneiging til þess að létta sköttum af háum tekjum og eignarskattur afnuminn fyrir 5 árum. Þá eru fjármagnstekjur meðhöndlaðar á annan hátt en launatekjur og af þeim greiddur mum lægri skattur.

>>>

Til liðs við Framsóknarflokkinn 28. febrúar 2009

Með nýrri forystu í flokknum er opuð leið til þess endurheimta fyrra traust kjósenda og ég er tilbúinn til þess að taka þátt i því verkefni og leggja mitt af mörkum til þess að sýna og sanna að raunveruleg breyting er að verða og að gömul og góð gildi verði höfð í hávegum.

>>>

Yfirlýsing: úrsögn úr Frjálslynda flokknum 26. febrúar 2009

Eftir fundarhöld og samtöl síðustu daga er það niðurstaða mín að víkja af þessum vettvangi og hef með bréfi dags. í gær sagt mig úr Frjálslynda flokknum. Mér þykir leitt að til þessa hafi þurft að koma en tel að fullreynt sé eftir margra mánaða árangurslausar tilraunir að ekki náist fram nauðsynlegar úrbætur.

>>>

Bráðabirgðalög fyrir 28 milljónir króna. 15. febrúar 2009

En kjarni málsins er sá að augljóslega var þáverandi viðskiptaráðherra með stuðningi ríkisstjórnarinnar að misnota bráðabirgðalagavaldið í máli sem snerti einungis kjósendur hans í Suðurkjördæmi. Þetta mál undirstrikar skýrt að ráðherrum er ekki treystandi fyrir löggjafarvaldinu. Þeir munu misnota það.

>>>

Aukin menntun er svarið við atvinnuleysinu 10. febrúar 2009

Tplega 60% þeirra sem voru atvinnulausir í lok árs 2008 eru einungis með grunnskólamenntun. Mikilvægt er því að bæta úrræði þessara einstaklinga til að auka vinnufærni sína með því að bæta við námsúrræðum. Það bætir lífsgæði einstaklinganna, styrkir atvinnufyrirtækin og eykur hagvöxtinn. Aukin menntun er svarið við atvinnuleysinu

>>>

Höldum fast í fullt sjálfstæði þjóðarinnar 5. febrúar 2009

Sjálfstæði þjóðarinnar og fullt forræði yfir auðlindum landsins og eigin málum mun reynast okkur mikill kostur sem fyrr.Við eigum að kappkosta að eyða ekki um efni fram og nýta þau úrræði sem felast í sjálfstæðri efnahagsstjórn. Nú þarf að breyta um hugarfar og huga aftur meir að hófsemi, sparsemi, jafnræði og sanngirni. Á þann veg getum við skapað frið og sátt í íslensku samfélagi.

>>>

Endurreisn í gegnum Alþingi 31. janúar 2009

Það eina sem dugar til lengri tíma er að draga skýrar línur og víkja hvergi frá þeim. Höfum löggjafarvaldið hjá Alþingi og hvergi annars staðar. Höfum ráðherrana í ráðuneytunum og aðeins þar. Lýðræðið þrífst best með því að hafa skýrar línur milli einstakra valdþátta og jafnræði milli þeirra. Það varð þjóðveldinu að falli að jafnvægið raskaðist. Einstakir goðorðsmenn kunnu sér ekki hóf í ásókn til valdsins og að lokum hélt þeim ekkert í skefjum nema erlent konungsvald. Foringjavaldið sem ég hef kynnst á undanförnum árum lýsir þróun í átt til pólitískrar konungstignar.

>>>

Frjálslyndi flokkurinn: Ekki áhugi á ESB aðild 24. janúar 2009

Frjálslyndi flokkurinn gerði könnun meðal félaga sinna um áhuga á ESB aðild.Um 80% sögðu hreint nei eða já með miklum skilyrðum sem nánast jafngildir nei og um 10% voru óákveðnir. Innan við 10% svarenda í könnuninni vildu leita eftir aðild að ESB án teljandi skilyrðaÞetta er afgerandi niðurstaða sem verður ekki misskilin eða mistúlkuð. Stefna flokksins hefur verið staðfest rækilega í þessari könnun.

>>>

Stjórnarskrárfrumvarp: Öflugra Alþingi, aukin áhrif almennings 20. janúar 2009

Það er mín skoðun að eitt af því sem þarf að gera núna til úrbóta, sem svar við því sem gerst hefur, er að Alþingi gegni því hlutverki sem því er ætlað í stjórnarskránni. Í því felst veigamikil framför og takmarkar verulega áhrifavald framkvæmdavaldsins og ekki síður áhrif einstakra atvinnufyrirtækja eða þrýstihópa á þær leikreglur sem Alþingi setur.

>>>

Eru þær á förum eða Guðlaugur Þór? 13. janúar 2009

Hver sem skýringin er á þessum ágreiningi þá má vera ljóst að annað hvort er heilbrigðisráðherrann á förum úr ríkisstjórninni eða hinir ráðherrarnir tveir. Svona getur ríkisstjórn ekki starfað. Það eru augljóslega ekki heilindi lengur milli ráðherranna. Þá er sjálfhætt fyrir annan hvorn aðilann í þessum ágreiningi.

>>>

Ríkisstjórnarbankinn? 12. janúar 2009

Það liðu ekki nema þrír mánuðir frá ríkisvæðingunni þar til einn ráðherrann kom fram í Ríkissjónvarpinu og beinlínis kallaði eftir tiltekinni ákvörðun stjórnenda Landsbankans sér þóknanlegri. Eitthvað hefur greinilega staðið í stjórnendum Landsbankans að lána og nú er spurningin þessi: skyldu þeir hundskast til þess að hlýða eftir þess hýðingu á opinberum vettvangi frá pólitíska valdinu?

>>>

Sömu vandræði – færri úrræði 29. desember 2008

Niðurstaðan er þá þessi: Spánverjar komu sér í sambærileg vandræði og Íslendingar þótt þeir væru með evruna, þeir þurfa að glíma einir við þá erfiðleika rétt eins og við, en vegna evrunnar hafa þeir færri úrræði til þess að milda höggið á almenning. porno izle - porno izle

>>>

Til betri tíma 25. desember 2008

Eðlilega hefur reiðin verið mikil og hún þarf að fá útrás. En eftir reiðinni kemur raunsæið og það sér til þess að málin eru felld í ásættanleg farveg. Þar hefur Alþingi tekið forystu með löggjöf um rannsókn á atburðarrásinni. Þáttur hvers og eins verður athugaður og upplýstur og ekkert á að draga undan. Ætla má að árið 2009 verði ár uppgjörsins. En munum að Ísland er réttarríki og það markar leikreglurnar. Réttarríkið er mikilvægara en dómstóll götunnar.

>>>

Peningamarkaðssjóðirnir: allt upp á borðið 19. desember 2008

Farið er fram á að viðskiptaráðherra flytji á Alþingi skriflega skýrslu um þessa sjóði og að í henni komi fram viðmiklar upplýsingar um sjóðina. Viðskiptaráðherra afli allra upplýsinga um viðskipti ríkisbankanna, hvers fyrir sig, sem hafa varðað peningamarkaðs- og skammtímasjóði gömlu bankanna þriggja og endurfjármögnun þeirra.

>>>

Eignabólan var líka í sjávarútvegi 12. desember 2008

Það hefur verið mikil eignabóla í kvótaverði síðustu ár, rétt eins og í hlutabréfunum og íbúðarhúsnæðinu á höfuðborgarsvæðinu. Þessi eignabóla klip izle hefur líka sprungið og verð á aflahlutdeild hefur lækkað verulega. Það sést best í októberhefti Hagvísa en þar kemur fram að verðið hefur lækkað niður í 2.000 kr/kg. Það er tæplega 50% verðfall á aðeins 7 mánuðum.

>>>

Verkin þarf að vinna 30. nóvember 2008

Í augum almennings ber stjórnarandstaðan ekki síður ábyrgð á því hvernig komið er en ríkisstjórnin og hún á því til jafns við stjórnarflokkana að vinna verkin næstu mánuðina. Stjórnmálamönnum hefur lida vissulega mistekist að koma í veg fyrir bankahrunið en þeir bæta ekki stöðu sína með því að hlaupast frá því meginverkefni sínu, að stjórna og leiða þjóðina úr úr mestu erfiðleikunum.

>>>

Rannsókn fer fram 28. nóvember 2008

Það er kannski kjarni málsins að flutningsmenn benda á að til þess að þjóðin geti gert upp bankahrunið í næstu kosningum þurfi fyrst að fara fram rannsókn og gagnaöflun. Það er forsenda upplýstrar umræðu og ákvörðunar.

>>>

Atkvæðaskýring 24. nóvember 2008

Kjarninn er sá að mörg verk þarf að vinna á næstu vikum sem ekki þola bið. Þau eru vandasöm og finna þarf bestu eða skárstu lausnina á skömmum tíma. Kosningar munu einungis koma í veg fyrir þau verk engum til góðs. Upplýsa þarf allt er snertir bankahrunið til þess að almenningur geti lagt mat á ástæður þess og ábyrgð þeirra sem að málinu koma. Það er forsenda uppgjörs í kosningum.

>>>

Snemma á næsta áratug 21. nóvember 2008

Umræða um ESB aðild lýtur aðeins að langri framtíð og mati á því hvort hagsmunum lands og þjóðar verði betur komið innan ESB en utan. Það eiga menn að taka fyrir og margt áhugavert viðfangsefnið sem þarf að brjóta til mergjar. En mál er að linni áróðurskenndri umfjöllum um óraunhæfar skammtímalausnir.

>>>

Frumvarp um aðgerðir í þágu einstaklinga vegna bankakreppunnar 14. nóvember 2008

Í upphafi vikunnar lagði ég fram frumvarp um aðgerðir sem ætlaðar eru til þess að mæta erfiðri stöðu sem margir einstaklingar eru að lenda í kjölfar fjármálakreppurnnar. Sett eru ákvæði sem verja einstaklinga fyrir nauðungarsölu og gjaldþrotaskiptum meðan þetta ástand varir og býður lántakendum upp á að semja við lánastofnanir um greiðslu skuldanna á þann veg að unnt verði að standa við greiðslurnar.

>>>

Vanhæfisskilyrði fyrir hendi. 12. nóvember 2008

Svo er það kannski aðalatriði málsins burtséð frá formlegu gildissviði vanhæfisákvæða stjórnsýslulaga. Vilja ráðherrar og finnst þeim eðlilegt að hafa afskipti af málum þar sem svona háttar til? Er það eðlilegt að einstakir ráðherrar geti beitt eða misbeitt pólitísku valdi sínu og áhrifum og verið undanþegnir ákvæðum laga eins og stjórnsýslulaga og vísað á þá sem formlega framkvæma pólitíska viljann? Það finnst mér ekki eðlilegt. Menntamálaráðherrann er greinilega á annarri skoðun.

>>>

Vanhæfur Menntamálaráðherra 4. nóvember 2008

Ráðherrar eru hluti af framkvæmdavaldinu og um þá gilda stjórnsýslulög. Í þeim lögum eru sérstök ákvæði um hæfi og vanhæfi. Það eru skýr fyrirmæli um vanhæfi ráðherra ef mál tengist maka ráðherrans eða fyrirtæki í eigu makans eða þegar aðstæður eru þess eðlis að þær eru til þess fallnar að draga óhlutdrægni í efa. Þegar vanhæfi á við má viðkomandi ekki taka þátt í undirbúningi máls, meðferð þess eða úrlausn.

>>>

Ríkisstjórnin ræður ferðinni – Seðlabankinn hlýðir 29. október 2008

Þessi viðbrögð gera það að verkum að stjórnarflokkarnir verða að svara því hvort þeir séu samstiga í málinu og hvort þingmeirihluti sé fyrir samkomulaginu við IMF. Ríkisstjórn getur ekki talað tveimur tungum sérstaklega ekki í svo mikilvægu máli. Er Menntamálaráðherra einn með þessa skoðun eða eru fleiri sem styðja ekki stýrivaxtahækkunina?

>>>

Við borgum ekki skuldir einkafyrirtækja 23. október 2008

Ríkisstjórnin verður að gera hreint fyrir sínum dyrum og segja þjóðinni alla söguna, annað gengur ekki. Ef ríkisstjórnarflokkarnir ná ekki saman um stefnuna verður að mynda nýja ríkisstjórn sem treystir sér til þess að gæta hagsmuna landsmanna og leiða þjóðina út úr þessum erfiðleikum.

>>>

Að loka augunum – og trúa ekki 17. október 2008

Það verður að viðurkennast að margir höfðu bent á helsta veikleika íslenska bankakerfisins og varað við hættunni sem við blasti. Niðurstaðan er augljós. Það sem gerðist var fyrirsjáanlegt og við því varað. Það sem á skorti var að sjá það sem skrifað var og kannski það sem mest er um vert, að trúa því.

>>>

Áfram fyrir land og þjóð 15. október 2008

Það er hins vegar í mínum huga afturhvarf til fortíðar að opna fiskveiðilögsögu landsins fyrir erlendum fiskiskipum, svo sem breskum og fela Evrópusambandinu meira og minna yfirráð og stjórnun fiskveiðiauðlindar íslensku þjóðarinnar. Aðild að Evrópusambandinu felur þetta í sér, stórt skref til fortíðar.

>>>

Traust velferðarþjóðfélag 9. október 2008

Það er mín skoðun að taka eigi á öllum vandanum nú fremur en að fresta honum og velta honum á herðar komandi kynslóða. Það ræðst auðvitað af því hversu stór skuldabagginn verður þegar upp verður staðið hvort það er að öllu leyti fær leið. Við erum sjálfstæð þjóð og eigum að miða aðgerðir okkar við að verja sjálfstæðið og taka fremur á okkur tímabundna skerðingu lífskjara en að fresta til langrar framtíðar greiðslu skulda með þeim hörðu skilmálum sem slíku fylgir.

>>>

Fyrir land og þjóð 8. október 2008

Við þessar aðstæður verður að sýna samstöðu og greiða fyrir afgreiðslu málsins. Það var gert á Alþingi. Að auki var að mínu mati ekki valkostur að sitja hjá og firra sig ábyrgð. Þrátt fyrir allt komu ekki fram aðrar tillögur á Alþingi en ríkisstjórnin lagði fram svo það var sjálfgert að styðja framkomið frumvarp og breytingartillögur við það.

>>>

Fjárveitingarvaldið er hjá Alþingi 3. október 2008

Eftir skoðun málsins þá er niðurstaðan sú að fjárveitingarvaldið er hjá Alþingi og ríkisstjórninni ber að virða það. Það verður að leggja fyrir Alþingi frumvarp og afla heimilda til kaupa á hlutafénu og fjárveitingar fyrir kaupverðinu. Ég er satt að segja verulega uggandi yfir því forsætisráðherra við annan mann og kannski fleiri telji sig geta leitt málið til lykta án atbeina Alþingis.

>>>

Af hverju þjóðnýting? 30. september 2008

Niðurstaða mín er sú að hlutafjárkaup verði aðeins ákveðin á Alþingi. Það fer með fjárveitingarvaldið, en hvorki Seðlabankinn né ríkisstjórnin. Ég sé hvergi heimild til Seðlabankans til þess að kaupa hlutafé hvorki í Glitni né öðrum banka. Það er kannski lokaspurningin: hvar er að finna lagaheimildir til þessarar hlutafjárkaupa ríkissjóðs og seðlabankans?

>>>

Aðild að ESB – til hvers ? 22. september 2008

Næsta skref er einmitt að skýra þetta og átta sig á því hvað þjóðin vill í þessum efnum. Þeir sem vilja nú sækja um eiga eftir að gera grein fyrir skilyrðum sínum og samningsmarkmiðum. Það fer engin þjóð að sækja um aðild að ESB án þess að setja samningamönnum sínum skýran og afmarkaðan ramma.

>>>

Alþingi á setja lögin! 12. september 2008

Hin brýna nauðsyn bar ekki til staðar, það er kjarni málsins. Hagsmunirnir sem í húfi voru mat ráðherra sjálfur sem fjárhagslega óverulega fyrir Viðlagatrygginguna og lágar fjárhæðir í hverju tilviki. En það var of freistandi fyrir ráðherrann að taka til sín löggjafarvaldið og láta til sín taka í máli sem afmarkaðist við hans eigið kjördæmi. Það var ekki eins áhugavert að kalla þingið saman til fundar eða bíða með málið þar til nú.

>>>

Ógnartaktur niðurrifsaflanna 12. september 2008

Innan flokksins er of mikil óvild og of mikil óheilindi til þess að Frjálslyndi flokkurinn standi af sér þetta óveður niðurrifsaflanna. Ef ekki verður tekið í klip izle taumana strax liðast flokkurinn í sundur og verður ónýtt afl.

>>>

Velkomnir til Íslands 9. september 2008

Stjórnmálamenn hafa mikilvægt hlutverk í þessum málum. Þeir hafa þær skyldur umfram marga aðra að fræða og vinna bug á bábiljum og fákunnáttu. Þegar allt kemur til alls eru flóttamenn einstaklingar eins og við og eru móttækilegir fyrir áhrifum frá umhverfinu. Reynslan staðfestir að þeir hafa undantekningalaust mótast af íslensku umhverfi og aðlagast því. Auðvitað hafa þeir líka áhrif á sitt umhverfi eins og gengur því mannleg samskipti eru gagnvirk eins og það heitir á tölvumáli.

>>>

Skuldirnar eru aðalvandinn 3. september 2008

Þegar verðbólgan fer af stað eins og nú er þá leiðir verðtryggingin til þess að hækkun skuldanna kemur ekki til greiðslu við næstu afborgun heldur dreifist hækkunin á allar ógreiddar afborganir og kemur því lítill hluti hækkunar til greiðslu hverju sinni. Afnám verðtryggingar myndi hækka greiðslubyrði gríðarlega og verða mörgum óviðráðanlegar. Afnám verðtryggingar almenningi til hagsbóta gerist aðeins í efnahagslegum stöðugleika og við aukna samkepnni í lánamarkaði.

>>>

Samleið með velferð til framtíðar 21. ágúst 2008

Ég tek undir þessi sjónarmið formannsins, Frjálslyndi flokkurinn og frambjóðendur á F- listanum eiga samleið til framtíðar um málefnagrundvöll framboðsins. Hann sameinaði fólkið í einu framboði og meðan skoðanir þeirra eru óbreyttar um helstu málin eiga menn samleið. Forysta flokksins hlýtur að vinna að því að þeir sem eru sammála um málefni nái saman á nýjan leik og yfirstígi þann ágreining sem varð til þess að leiðir skildu.

>>>

Frá lýðræði til evru 11. ágúst 2008

Sú staðreynd að stjórn peningamála er hjá Seðlabanka Evrópu en efnahagsstjórnunin að öðru leyti í höndum ríkisstjórna veldur togstreitu þarna á milli. Peningamálastefna og ríkisfjármálastefna verða að spila saman. þetta veldur því að uppi eru kröfur um aukin áhrif hins yfirþjóðlega valds Evrópusambandsins í efnahagsmálum. Ákvörðun um sameiginlegan gjaldmiðil getur varla leitt annars en einhverrar útgáfu af Evrópuríki með miðlæga efnahagsstjórn, að öðrum kosti er vandséð hvernig evran muni eiga framtíð fyrir sér.

>>>

Er stóra stjórnin stóru mistökin? 7. ágúst 2008

En það sem blasir við og er aðalatriðið, er að samstarf stóru flokkanna og þingstyrkurinn mikli sem þeir hafa er ekki að skila árangri. Flokkarnir eru ekki að ná saman um helstu stefnumálin og sérstaklega er ágreiningurinn sláandi um stefnu í efnahagsmálunum. Kjarni málsins er að ríkisstjórnin þarf að vera samstíga og undir óumdeildri forystu. Til sjós er aðeins einn formaður á hverju skipi og það er fyrirkomulag byggt á gömlum sannindum.

>>>

Helguvík en ekki Bakki 1. ágúst 2008

Augljós ályktun er sú að þar sem menn spila eftir leikreglunum og eru tímanlega með umsóknir sínar er gerð meiri krafa og frekar beitt heimildarákvæðinu. Það er augljóslega íþyngjandi fyrir Bakka og vandséð er hvernig stjórnsýslan í þessum tveimur málum fellur undir meðalhóf og samræmi.

>>>

Pólitískt bandalag 28. júlí 2008

Evrópubandalagið hefur breyst í Evrópusambandið og stefnir í Evrópuríkið. Aðild að því getur vissulega haft sína kosti, en því fylgir líka mikið og vaxandi afsal fullveldis. Slík þróun hefur áður orðið hérlendis og ekki reynst vel.

>>>

Evran : vonarpeningur eða villuljós? 23. júlí 2008

Skylda ríkisstjórnarinnar er að ná tökum á verðbólgunni fyrst og þannig ná fram bæði stöðugleika og lægri vöxtum. Að þessu eiga stjórnarflokkarnir að vinna fyrir almenning í landinu. Þennan vanda verðum við ,íslendingar, að takast á við sjálfir og leysa. Það er mikið villuljós sem veifað er um þessar mundir, þegar því er haldið fram að aðild að Evrópusambandinu og upptaka evru sé bjargráð nauðstaddra. Svo er ekki.

>>>

Aðeins einn kostur: krónan áfram 21. júlí 2008

Mikilvægast er að draga úr umsvifunum í þjóðfélaginu og ná jafnvægi í viðskiptum við útlönd. Undanfarin hafa einkennst af erlendri lántöku fyrir innlenda neyslu og útgjöld. Segja má að hluti af lífskjörunum hafi verið tekin að láni erlendis. Slíkt gengur ekki til lengdar og það endaði auðvitað með því að gengið féll.

>>>

Hvorki evra né fastgengi 17. júlí 2008

Það endar svo sem alltaf á því, jafnvel þótt tekin sé upp erlend mynt, að gæfa og gengi íslensku þjóðarinnar er í okkar höndum . Evran afstýrir ekki ógæfu ef okkur eru mislagðar hendur hvort sem er. Ef menn trúa því að Íslendingar ráði ekki við verkefnið, þá eru þeir sömu þeirrar skoðunar, að við ráðum ekki við sjálfstæðið.

>>>

Stóra mótvægisaðgerðin 26. júní 2008

Þegar offramboð íbúða, hækkandi vextir og lækkandi kaupmáttur leiða til verðlækkunar á höfuðborgarsvæðinu ætlar ríkisstjórnin að stöðva gangverk markaðslögmálanna. Það er ekki í þágu skuldara að skuldir lækki ekki. Það er ekki í þágu væntanlegra íbúðakaupenda að verð íbúðanna endurspegli ekki kaupmátt. Türkçe Font

>>>

ESB umsókn – til hvers? 24. júní 2008

Ég er sammála Össuri um það að næsta skref er að skoða vegvísi að aðildarumsókn. Í því felst að ræða hver skilyrði Íslendinga eigi að vera fyrir aðild, hvað er það sem er ófrávíkjanlegt, hvað er umsemjanlegt og eftir hverju er verið að sækjast. Sérstaklega hvílir á þeim sem vilja sækja um að skýra afstöðu sína. Vilji til umsóknar felur í sér óhjákvæmilega vilja til aðildar.

>>>

Ríkisstjórnin að fara á taugum? 21. júní 2008

Þegar rýnt er í yfirlýsingu ríkisstjórnarinnar frá því í fyrradag um aðgerðir á fasteigna- og fjármálamarkaði kemur mest á óvart hversu erfitt er að sjá heilstæða efnahagsstefnu út úr þeim. Einhvern veginn virðast þetta vera meira og minna krampakenndar ákvarðanir til þess að bregðast ástandi sem ekki er komið upp en er ætlað til þess að friðþægja háværum hagsmunaaðilum.

>>>

Evrópusambandið gegn sjálfstæði 17. júní 2008

Þetta segir okkur að nei þýðir ekki nei. Fjölmennu og valdamiklu þjóðirnar í Evrópusambandinu fara sínu fram hvað sem líður afstöðu Íra. Þetta hefur því miður áður gerst í öðrum atkvæðagreiðslum og því ekkert einsdæmi. Það er ekki nóg að sitja við borðið til þess að hafa áhrif. Það er til annað borð sem er fyrir útvalda.

>>>

Gefur Alþingi utanundir 8. júní 2008

Það verður að bregðast mjög hart við þessari sívaxandi áráttu einstakra ráðherra sem augljóslega eru að beita bráðabirgðalagavaldinu til þess að komast hjá því að leggja málið fyrir þingið og standa fyrir máli sínu þar. Þess í stað er þingið nú sett í þá stöðu að þegar það kemur saman 1. september verður væntanlega búið að greiða út bætur skv. hinum nýju skilmálum og þingið stendur frammi fyrir orðnum hlut.

>>>

Sjómannadagur - Ísafjarðarkirkja - ræða 1.júní 2008 1. júní 2008

Grundvallarmeinið er reglan, sem leyfir handhafa kvótans að selja og leigja veiðiréttinn til annarra aðila á markaðsverði í stað þess að veiða sjálfur fiskinn.Mannréttindanefnd Sameinuðu þjóðanna hefur komist að þessari sömu niðurstöðu og segir í áliti sínu að íslensk stjórnvöld hafi ekki sýnt fram á að þessi sérstaka skipan og útfærsla kvótakerfisins samræmist kröfunni um sanngirni.

>>>

Þingflokkurinn styður komu flóttamanna 25. maí 2008

Ofangreind fjögur atriði eru kjarninn í tillögu um almenna stefnu í málefnum flóttamanna sem ég lagði fyrir þingflokkinn og hann féllst á . Samþykkt þingflokksins var kynnt fyrir miðstjórn flokksins og það er athyglisvert að miðstjórnin ályktar ekki um hana eða einstök atriði í flóttamannastefnunni í samþykkt sem gerð var um deilurnar á Akranesi og meirihlutaslitin í bæjarstjórninni. Það verður aðeins skilið sem samþykki miðstjórnar við stefnumörkun þingflokksins.

>>>

Bjóðum flóttamenn velkomna til landsins 23. maí 2008

Engin ástæða er til þess að ætla að einhver breyting verði á árangursríku starfi stjórnvalda og hjálparsamtaka við undirbúning og móttöku næstu hópa flóttamanna. Hingað til hafa íbúarnir í sveitarfélögunum ekki gert athugasemdir við flóttamannahjálpina, svo ég viti til, né talið hana skaða almenna félagsmálaþjónustu sveitarfélagsins

>>>

60 milljarða króna eftirgjöfin! 14. maí 2008

Fjármálafyrirtækin og eignarhaldsfélög landsins eru í eigu fólks sem lifir og hrærist í íslensku þjóðfélagi, nýtur góðs af velferðarkerfinu og á hér gott líf í landi þar sem lífskjör eru með því allra besta í heiminum. Umræddir einstaklingar eiga að taka þátt í því að kosta velferðarkerfið með okkur hinum , skattgreiðendum þessa lands. Það gengur ekki að ala upp í til þess að gera fámennum hópi það viðhorf að sjálfsagt sé að þeir séu hinir útvöldu, sem þurfi ekkert á sig að leggja, taki bara út og leggi ekkert inn í „þjóðarbankann“.

>>>

Stefna ríkisstjórnarinnar í heilbrigðismálum 8. maí 2008

Ég tel að skynsamlegt væri að halda skiptingu kostnaðarins milli ríkisins og einstaklinga sem næst óbreyttum á komandi árum, en velti upp þeirri hugmynd að hlutur sjúklinganna verði greiddur af sérstakri sjúkratryggingu sem allir landsmenn 18 ára og eldri greiði til. Iðgjaldið gæti verið sem svarar 2,5 - 3% af launum.

>>>

Evrópusambandið klýfur ríkisstjórnina 4. maí 2008

Formaður Samfylkingarinnar hefur ítrekað á síðustu dögum lagt áherslu á það að stjórnarsáttmálinn komi ekki í veg fyrir að sótt verði um aðild að ESB. Á mánudaginn innti ég formann Sjálfstæðisflokksins eftir afstöðu hans sem oddvita ríkisstjórnarinnar í fyrirspurnartíma á Alþingi. Svör hans vor skýr: Það verður ekki sótt um. Ef það ætti að gerast þyrfti að semja nýjan stjórnarsáttmála og Sjálfstæðisflokkurinn að skipta um skoðun í málinu og hvorugt er meiningin.

>>>

Ríkisstjórnin í mótvindi 29. apríl 2008

Efnahagsmálin virðast vera ríkisstjórninni ofviða og hún nær ekki samstöðu um aðgerðir. Það var hlutverk ríkisstjórnarinnar að halda þenslunni í skefjum og ná fram hægri aðlögun að jafnvægi í efnahagsmálum. Ríkisstjórninni mistókst það herfilega og hver vikan á fætur annarri hefur liðið án þess að nokkuð bóli á samhæfðum aðgerðum ríkisstjórnarinnar og Seðlabanka Íslands.

>>>

Til Evrópu á Íslenskum forsendum 25. apríl 2008

Það er ekki tímabært að huga að umsókn um aðild að Evrópusambandinu og verkefnið framundan er að stjórnmálaflokkarnir geri grein fyrir samningsmarkmiðum sínum og skilyrðum fyrir umsókn. Þegar það liggur fyrir getur almenningur metið hvernig hagsmuna lands og þjóðar er best gætt til til lengri tíma litið

>>>

Stefnufesta Frjálslyndra skilar sér 20. apríl 2008

Þessi stefnufesta þingflokksins hefur greinilega skilað sér ef marka má skoðanakönnum Fréttablaðsins í dag. Þar kemur fram meirihluti kjósenda flokksins er andvígur því að hefja undirbúning að aðildarviðræðum við Evrópusambandið. Kjósendur flokksins og þingflokkur eru greinilega sammála og það er ánægjuefni.

>>>

Á að selja kvótann til útlendinga? 10. apríl 2008

Ég tel það fagnaðarefni og til marks um það að vaxandi stuðningur er við þá stefnu Frjálslynda flokksins að standa vörð um forræði landsmanna yfir fiskistofnunum og fiskveiðilögsögunni. Liður í því er að viðhalda takmörkunum erlendra aðila í fjárfestingum í sjávarútvegi. Um þetta má lesa í nýlegri ályktun þingflokksins um efnahagsmál og aðild að ESB,

>>>

Virkjum á Vestfjörðum 3. apríl 2008

Undanfarin ár hefur ríkt alger kyrrstaða af hálfu stjórnvalda þegar kemur að athugun á virkjunarkostum. Svör Össurar Skarphéðinssonar iðnaðarráðherra við fyrirspurn minni á Alþingi í vikunni voru hins vegar afdráttarlaus á þann veg að hann ætli að beita sér fyrir könnun á virkjunarkostum og hafði góð orð um að stækka Mjólkárvirkjun sem fyrst. Vonandi er lokið löngu tímabili aðgerðarleysis í þessum efnum.

>>>

Gegn verðbólgu 25. mars 2008

Það verður að draga úr einkaneyslunni ef takast á að ná verðbólgunni niður. Það er ekki eðlilegt ástand að útlán innlánsstofnana til innlendra aðila hafi aukist um 23,5% að raungildi á 12 mánuðum, frá janúar 2007 til janúar 2008.

>>>

Aðild að ESB kemur ekki til greina 18. mars 2008

En að efnahagsvandanum slepptum er það spurningin, hvort Íslendingar eigi að ganga inn í Evrópusambandið. Svar Frjálslynda flokksins er skýrt og ótvírætt, nei. Aðild kemur ekki til greina meðan reglur sambandis eru óbreyttar í fiskveiðimálum. Afstaða okkar er að Íslendingar eigi að fara með fullt forræði á auðlindinni, ákvarða magn sem veiða má, stjórna veiðunum og fara með samninga við erlend ríki um veiðar úr fiskistofnum við Ísland

>>>

No minister, það vantar víst peninga 11. mars 2008

Samtals vantar fjármagn til þess að uppfylla ráðningar í 7 tillögum sem áttu að koma til framkvæmda á þessu ári. No, minister, það vantar víst peninga.

>>>

Vanefndir og fjárskortur eða ekki 9. mars 2008

En eitt vakti athygli mína í svari forsætisráðherra. Hann bar til baka að fjárskortur hefði staðið í veginum fyrir því að fullar efndir yrðu á síðasta ári. Það er líka í mótsögn við það sem ég hafði lesið á bb- vefnum og vitnað er til að ofan úr skýrslu bæjarstjóra Ísafjarðarbæjar til bæjarráðsins. En enn meiri athygli mína vekja svör bæjarstjórans á bb.is þann 7.mars þar sem hann segist vera sammála fosætisráðherra.

>>>

Opinber eign á orkuréttindum 29. febrúar 2008

Tímabundinn afnotaréttur gegn leigugjaldi þar sem jafnræðis er gætt við úthlutun er einmitt það sem vantar í fiskveiðilöggjöfina og þegar fram nást nauðsynlegar lagabreytingar þar á verður um grundvallarbreytingu að ræða. Þetta frumvarp styrkir málflutning okkar réttarbótamanna og staðfesta að meginsjónarmið okkar hafa orðið ofan á í pólitískri umræðu. Það stendur ekki til að gera sama axarskaftið í löggjöf um orkuauðlindir landsmanna og gert var 1990 varðandi nýtingu fiskistofnana við Ísland.

>>>

Vandinn liggur í úthlutuninni 20. febrúar 2008

Það er alveg rétt hjá formanni Samfylkingarinnar að grundvallarvandi kvótakerfisins í fiskveiðum liggur í úthlutuninni sjálfri. Það var líka niðurstaða mannréttindanefndar Sameinuðu þjóðanna fyrir skömmu. Uppboðshugmyndin er leið að niðurstöðu, en ekki lausn á þeim vanda sem mannréttindanefnd Sameinuðu þjóðanna er að draga fram.

>>>

Efnahagsvandinn er heimatilbúinn 14. febrúar 2008

Skorturinn á efnahagsstjórn er stærsta efnahagsvandamál landsmanna. Það er hlutverk ríkisstjórnarinnar að stjórna efnahagslífinu þannig að það sé í jafnvægi og verðbólga í lágmarki. Hafa þarf hemil á einkaneyslu, framkvæmdum og peningamagni í umferð. Þessi vandi verður ekki leystur með fix-ídeum eins og þeim að skipta um gjaldmiðil eða hókus pókus trikkinu – göngum í ESB. Niðurstaðan verður alltaf sú sama, vandinn er heimatilbúinn og verður aðeins leystur þar, af okkur sjálfum.

>>>

Tveir viðskiptaráðherrar í einni ríkisstjórn 11. febrúar 2008

Þá er staðan þessi: Samfylkingin telur krónuna vera mikla byrði á íslenskan almenning og fyrirtæki. Ætlar hún að una því allt kjörtímabilið að ekkert verði aðhafst og glata með því trúverðugleika sínum gagnvart kjósendum? Frá sjónarhóli Sjálfstæðisflokksins horfir málið þannig að samstarfsflokkurinn er í raun að væna hann um að skaða hag almennings og fyrirtækja sem nemur tugum milljarða króna á hverju ári með því að standa gegn evrunni og ætla sjálfstæðismenn að sitja undir því?

>>>

Langvarandi mannréttindabrot á Íslandi 6. febrúar 2008

Álit mannréttindanefndarinnar nú mun því hafa áhrif á íslenska dómstóla þegar þeir þurfa að túlka mannréttindaákvæði stjórnarskrárinnar. Það getur leitt til þess að Hæstiréttur Íslands muni komast að annarri niðurstöðu en áður í sambærilegu máli. Til dæmis næst þegar dómurinn þarf að meta hvort framsalið og úthlutunarreglur íslenska kvótakerfisins samræmist jafnræðisákvæði stjórnarskrárinnar.

>>>

Uppsagnir í fiskvinnslu og atvinnuöryggi í sjávarbyggðum 29. janúar 2008

Sjávarútvegsráðherra á nú þegar að auka þorskveiðina um 40 þúsund tonn. Það er eina mótvægisaðgerðin sem kemur í veg fyrir hrun á landsbyggðinni. Ákvörðun um 130 þúsund tonna veiði næstu árin eru ekkert annað en aðför að sjávarplássum landsins, það ákvörðun um að hrekja þúsundir manna burtu af heimilum sínum og er jafn mikið mannréttindabrot og sjálf löggjöfin um stjórn fiskveiða.

>>>

Utandagskrárumræða á Alþingi 21. jan. 2008: Álit mannréttindanefndar S.þ. 21. janúar 2008

Það sem veldur vonbrigðum og vekur upp efasemdir um heilindi ríkisstjórnarinnar í þessu máli eru yfirlýsingar sjávarútvegsráðherra og forsætisráðherra, sem báðir hafa sagt að ekki þurfi neinar lagabreytingar.Ef svo fer að ekkert verður aðhafst til þess að uppfylla álit nefndarinnar hvaða skilaboð er verið að senda þjóðum heimsins sem munu í október næstkomandi kjósa í öryggisráðið?

>>>

Einræðislöggjöf 20. janúar 2008

Það versta við frumvarpið er eiginlega þessi staða, að ráðherrann fer með allt vald um stefnumótum og framkvæmd hennar. Hann þarf ekki að leggja mikilvægar ákvarðanir fyrir Alþingi til kynningar og ráðslags áður en tekin er endanleg ákvörðun og hann þarf ekki að fá samþykki Alþingis eða staðfestingu þess með einhverjum hætti. Utanríkisráðherra er falið einræði í málaflokknum varðandi stefnumótun, framkvæmd, yfirstjórn og alþjóðasamskipti. Hvergi í frumvarpinu er vikið að Alþingi rétt eins og það sé ekki til.

>>>

Lægri skattar á lágar tekjur 14. janúar 2008

Það þarf að breyta skattheimtunni á þann veg að minna verði greitt af lágum tekjum og meira af hærri tekjum. Sérstakur persónuafsláttur á valinn tekjuhóp er einföld og áhrifarík aðgerð til þess að bæta kjör lágtekjufólksins.

>>>

Sameinuðu þjóðirnar gefa kvótakerfinu rauða spjaldið 11. janúar 2008

Mannréttindanefndin er sá aðili sem samkomulag eru um kveði upp úr með það hvort brotið sé gegn ákvæðum samningsins eða ekki. Það hafa þjóðirnar samþykkt sem hafa fullgilt samninginn. Íslensk stjórnvöld og reyndar Alþingi líka eiga ekki annan kost en að una úrskurði nefndarinnar, virða hann og beita sér fyrir nauðsynlegum lagabreytingum til þess að mæta álitinu.

>>>

Engar umönnunarbætur greiddar 7. janúar 2008

Vandinn sem við blasir í þessu máli er að ríkið veitir ekki ekkjunni viðunandi umönnun heima hjá sér svo hún býr við óviðunandi þjónustu þar til hún kemst á stofnun til dvalar og þjónustu. Brýnt er að rýmka lagaákvæðið með hagsmuni þeirra í fyrirrúmi sem þjónustuna þurfa.

>>>

Andstaða ríkisstjórnarinnar við tekjujöfnun 6. janúar 2008

Það kemur mér satt að segja á óvart að ríkisstjórnin skuli á þessu stigi taka svona illa í tekjujöfnun í gegnum skattkerfið þar sem lágtekjufólkið nýtur góðs af. Yfirlýsing forsætisráðherrans gengur þvert gegn yfirlýstri stefnu hvers ærlegs jafnaðarmannaflokks

>>>

Hallað réttu máli 19. desember 2007

Það er ómaklegt að setja þingmenn Frjálslynda flokksins undir sama hatt og aðra alþingismenn þegar fyrir liggur að þeir, einir þingmanna, greiddu atkvæði gegn lækkun veiðigjaldsins, bæði þeirri lækkun sem Sjávarútvegsráðherra lagði til og hinni sem meirihluti þingnefndarinnar bætti við.

>>>

ASÍ tekur upp skattatillögur Frjálslynda flokksins 15. desember 2007

Það er sérstaklega athyglisvert að tvö helstu þingmál þingmanna Frjálslynda flokksins á þessu hausti hafa fengið miklar og góðar undirtektir. Þetta er mikil viðurkenning fyrir málflutning okkar þingmanna Frjálslynda flokksins á haustþinginu og staðfestir að við höfum verið að flytja skynsamar tillögur til þess að draga úr vaxandi misskiptingu í þjóðfélaginu. Við fögnum þessum árangri , en bendum á að við eigum fleiri góð frumvörp á þinginu.

>>>

Bætt kjör aldraðra og öryrkja 7. desember 2007

Áfram þarf að halda á þeirri vegferð að bæta kjör aðdraðra og öryrkja og minnt er á önnur atriði úr kosningastefnuskrá Frjálslyndra. Þar var lagt til að bætur almannatrygginga myndu framvegis fylgja almennri launavísitölu og nægja til framfærslu og að lífeyrissjóðstekjur yrðu skattlagðar sem fjármagnstekjur. Loks vil ég minna á tillögur okkar um viðbótarpersónuafslátt fyrir tekjulága sem eru komnar fram á Alþingi.

>>>

Alið á fordómum 18. nóvember 2007

En við eigum ekki að ræða um einstök vandamál eins og þau eigi sér sérstaklega rætur í erlendu þjóðerni af þeirri einföldu ástæðu að slíkt er firra. Í hnotskurn þá hafa vandamálin,sem verið er að tengja útlendinga sérstaklega við, verið til staðar án þeirra og engar vísbendingar liggja fyrir sem sýna að þau hafi orðið verri fyrir þeirra tilverknað.

>>>

Góðar vörur á góðu verði 2. nóvember 2007

Útgjöld heimilanna til matvæla og drykkjarvöru hefur farið lækkandi á undanförnum árum og eru samkvæmt nýjustu tölum 12,9%. Þetta kemur fram í rannsókn Hagstofu Íslands á útgjöldum heilanna árin 2003-2005. Þar af er innlendi hlutur matvælanna aðeins 5,0% af útgjöldum heimilanna.

>>>

Vinnum gegn fordómum í garð útlendinga 24. október 2007

Vaxandi fordómar gagnvart útlendingum er mikið áhyggjuefni og við því verður að spyrna fæti, stjórnmálamenn, fjölmiðlamenn, atvinnurekendur og vinnufélagar. Þetta er spurning um að rækta jákvæð viðhorf til þeirra sem koma til landsins til að svara þörfum okkar og þau styrkja viðhorf að hvern og einn eigi að meta að verðleikum sem einstakling.

>>>

Meirihlutinn féll á einkavæðingunni 12. október 2007

Fall meirihlutans í borgarstjórn Reykjavíkur þýðir að einkavæðing Hitaveitu Suðurnesja hf. er væntanlega úr sögunni í bili og gerir það að verkum að ráðrúm gefst á Alþingi til nauðsynlegrar lagasetningar.En þá verður hinn sýnilegi meirihluti líka að vinna sitt verk og láta ekki Sjálfstæðisflokkinn koma í veg fyrir lagasetningu. Einkavæðing orkulindanna getur farið fram að óbreyttum lögum.

>>>

Fyrirhugaður flutningsstyrkur Atvinnuleysistryggingasjóðs 11. október 2007

Fólk á rétt á að velja sér búsetu og hinu opinbera ber að virða þann rétt í orði og verki. Segja má að við eðlilega aðstæður í þjóðfélaginu þar sem jafnvægi ríkir geti verið rétt að aðstoða fólk við að flytjast búferlum vegna atvinnusóknar enda mundi þá ekki halla á einhver landsvæði umfram önnur, en því fer fjarri að svo sé um þessar mundir.

>>>

Fallið mikla eftir veginum breiða 5. október 2007

Það verður mörgum hált á vegferðinni eftir hinum breiða vegi, sem máltækið segir að liggi til glötunar fremur en aðrir vegir. Síðustu vikur hefur örtröðin verið eftir veginum frá Orkuveitu Reykjavíkur og Hitaveitu Suðurnesja hf. til Reykjavík Energy Invest.

>>>

Mótvægisaðgerðin flutningsstyrkur 30. september 2007

Allt í kemur svarið öllum á óvörum. Það á að bjóða fólkinu styrk af opinberu fé til þess að flytja úr sjávarplássunum þangað sem atvinnan er. Það á sem sé að bera fé á fólk til þess að koma því burtu frá þessum stöðum. Það á ekki að flytja atvinnu til fólksins heldur öfugt. Hugtakið mótvægisaðgerð fær alveg nýja og óvænta merkingu.

>>>

"við rannsókn bárust böndin að erlendum ríkisborgara" 23. september 2007

Og það er einmitt atriði í frásögn fjölmiðlanna sem ég hnýt um og vil strax taka fram að ég tel að þeir séu alla jafna ágætlega vandaðir. Hvaða tilgangi þjónar það að tilgreina að hinn grunaði er erlendur ríkisborgari? Nauðgun er glæpur og ber að taka hart á brotamönnum, um það er ekki deilt. En ég átta mig ekki á því hvers vegna það er sérstaklega tilgreint að böndin hafi við rannsókn málsins borist að erlendum ríkisborgara

>>>

Orkulindir Íslands, sameign þjóðarinnar. 14. september 2007

Grundvöllurinn í orkunýtingarstefnu ríkisins og þjóðarinnar er að allar auðlindir verði nýttar í almannaþágu, fyrir fólkið í landinu, en ekki einvörðungu fyrir erlenda stórfjárfesta. Þingflokkur Frjálslynda flokksins skorar á ríkisstjórnina að vinna að nauðsynlegri löggjöf um auðlindanýtingu, á þeim forsendum sem lýst er að framan, og lýsir sig reiðubúinn til þess að vinna með ríkisstjórninni að þeirri stefnu.

>>>

Aukið forræði efnahagsmála heim í hérað 10. september 2007

Ef forræði auðlindanna og afraksturinn af nýtingunni er meira í heima í héraði verður líka hagvöxturinn og atvinnuþróunin jákvæð. Besta mótvægisaðgerðin væri að færa aukið forræði mála heim í hérað og draga úr miðstýringunni. Flóknara er það ekki.

>>>

Hvers vegna neikvæður hagvöxtur á Norðurlandi vestra? 31. ágúst 2007

Landsmálablaðið Feykir á Sauðárkróki lagði fyrir alþingismenn allra flokka tvær spurningar þar sem spurt var um skýringar á neikvæðum hagvexti á Norðurlandi vestra og hvað væri til ráða. Vísað er til skýslu Byggðastofnunar og Hagfræðistofnunar Háskóla Íslands um hagvöxt einstakra landssvæða á árunum 1998-2005, sem nýlega kom út.

>>>

Ekkert gjald má greiða, nema heimild sé til þess í fjárlögum 20. ágúst 2007

En aðalatriði þessa máls, að mínu mati, er einmitt sú staðreynd að greitt hefur verið úr ríkissjóði án heimildar Alþingis. Það gengur gegn 41. grein stjórnarskrárinnar. Það kemur berlega fram í riti Ólafs Jóhannessonar, Stjórnskipun Íslands, að sú leið að greiða fyrst og afla svo lagaheimildar er andstæð ákvæðum stjórnarskrárinnar. Það kemur líka fram í frv. fjárveitinganefndar frá 112. löggjafarþingi 1989--1990 að fjárveitinganefnd er sömu skoðunar - að framkvæmdin sé í andstöðu við stjórnarskrána.

>>>

Endurmeta þarf þorskstofninn - auka friðun 24. júlí 2007

Það sem á að gera nú áður en nokkur ákvörðun er tekin um samdrátt í veiðum er að fara yfir allar upplýsingar um þorskstofninn og endurmeta stærð hans að nýju. Til þess að breyta aldurssamsetningunni á hrygningarstofninum er fljótvirkast að draga úr veiðum á hrygningarfiski. Það á að gera með því að friða hann um lengri tíma en nú er og jafnvel á stærri svæðum.

>>>

Þorskstofninn betri en af er látið 24. júlí 2007

En það er líka rétt að halda því til haga að niðurskurðarleiðin hefur verið farin áður. Það gekk ekki að byggja stofninn upp í það sinnið, frekar en áður og það þarf frekar fífldirfsku en kjark til þess að ana að óathuguðu máli enn og aftur út í sama fenið.

>>>

Einar veit betur en Hafró 16. júlí 2007

Hvaða þekkingu býr sjávarútvegsráðherrann yfir um ástand þessara 12 fiskistofna sem Hafrannsóknarstofnun hefur ekki? Hvaðan kemur sú þekking? Frá sjómönnum, öðrum fiskifræðingum en þeim sem starfa á Hafró eða er einhver innri rannsóknardeild í ráðuneytinu?

>>>

Lífskjörin jöfnuð 11. júlí 2007

Ríkið beitir ýmsum leiðum til þess að jafna lífskjörin meðal þegna landsins. Ýmist með sköttum eða greiðslum til einstaklinga til þess að auka ráðstöfunartekjur sumra og minnka þær hjá öðrum. Þessum úrræðum er beitt vegna þess að þau virka fljótt og hafa mikil áhrif. Það mun líka verða reyndin ef skattaleiðin verður farin markvisst til þess að styrkja búsetu á landsbyggðinni. Það er ekki völ á annarri betri og skjótvirkari leið. Þess vegna á að hana.

>>>

Sérlög fyrir einstaka landshluta 9. júlí 2007

Tekjuskattur, virðisaukaskattur og tryggingargjald eru dæmi um skatta sem ríkisstjórnin hlýtur að vera tilbúinn að hlífa mönnum og fyrirtækjum við meða niðurskurðurinn stendur yfir eða skattar og gjöld á bensín og olíu. Ríkisstjórninni er án nokkurs vafa jafn annt um fjárhag fyrirtækja og launamanna í þorskútgerð eins og fjárhag Þróunarfélags Keflavíkurflugvallar hf.

>>>

Samþykkt þingflokks Frjálslynda flokksins um aflamark. 6. júlí 2007

Þingflokkurinn telur að virtum öllum fyrirliggjandi gögnum og upplýsingum að þorskkvóti eigi að vera svipaður og verið hefur. Ákveðinn verði jafnstöðuafli til þriggja ára og að til aflamarkskerfisins verði ráðstafað árlega um 170 þúsund tonnum, sem er það magn sem að jafnaði hefur verið í kerfinu síðustu 15 ár. Loðnuveiðar verði takmarkaðar verulega og ítrekuð er sú stefna flokksins að gefa handfæraveiðar frjálsar.

>>>

Vegið að landsbyggðinni – er þetta fyrsta mótvægisaðgerðin vegna niðurskurðar í þorskkvóta? 4. júlí 2007

Það er mitt mat að breytingin komi fyrst og fremst niður á fasteignaviðskiptum á landsbyggðinni og kaupum á frekar ódýrum íbúðum á höfuðborgarsvæðinu, en hafi engin áhrif á útlánagetu viðskiptabankanna sem munu auðvitað taka að sér að veita þau lán sem Íbúðalánasjóður hættir að veita með reglugerðarbreytingunni.

>>>

"Þá var kátt í bönkunum" 3. júlí 2007

"enda trúi ég því að bankastjórar og eigendur bankanna hafi opnað kampavínsflösku og tekið bakföll af hlátri yfir því hvernig þeir eru búnir að plata stjórnvöld og hafa að fíflum"

>>>

Ríkisráðgjöfin 2. júlí 2007

Er ekki kominn tími til þess að stuðla að framförum sem ávallt fylgja starfi margra vísindamanna , áliti þeirra hvers og eins og skoðanaskiptum eða voru það kannski mistök að leggja niður Þjóðhagsstofnun á sínum tíma?

>>>

Aukum kaupmáttinn með lækkun skatta 29. júní 2007

Það er þekkt leið að hafa breytilegan skatt eftir lögheimilum. Álagningarhlutfall útsvars og fasteignaskatta er ákvarðað eftir sveitarfélögum og er mismunandi milli þeirra. Engu máli skiptir hvar teknanna er aflað, lögheimilið ræður því hver útsvarsprósentan er. Niðurstaðan er þessi: Það er hægt að hafa áhrif á búsetuval fólks með lækkun skatta og það hefur verið gert á sveitarstjórnarstiginu. Ríkisvaldið á að gera slíkt hið sama, sérstaklega við núverandi aðstæður.

>>>

Grundvallarbreytingar annars hrun 18. júní 2007

Vandinn er ekki bara Vestfjarðavandi, það er almennur kerfisvandi, grundvallarbreytingar verður að gera til þess að innleiða almennar leikreglur í almannaþágu. Það var ótvírætt niðurstaða forseta Alþingis í ræðu hans á Ísafirði í gær og forsætisráðherra viðurkenndi líka vandann sem almennan kerfisvanda í ræðu sinni á Austurvelli.

>>>

Samkeppni á lánamarkaði talin vandamál 12. júní 2007

Ef orðið verður við þessum tillögum þá mun samkeppnin minnka um íbúðalánin og kostnaður lántakendanna vaxa. Bankarnir munu græða meira og almenningur mun borga meira. Mest munu íbúar landsbyggðarinnar tapa, þar munu vextirnir verða hæstir, ef þá bankarnir lána nokkuð á sumum landsvæðunum .

>>>

Alþingi 31. maí: Ræða KHG í umræðum um stefnu ríkisstjórnarinnar 1. júní 2007

Við leggjum áherslu á að byggja áfram upp stéttlaust velferðarþjóðfélag jafnréttis á grunni markaðshagkerfis. Í því er atvinnufrelsið grundvallaratriðið, enda er það engin tilviljun að kveðið er á um atvinnufrelsið í stjórnarskrá lýðveldisins. Atvinnugrein án atvinnufrelsis fær ekki staðist, fjötrarnir verða að lokum brotnir af

>>>

Næsta stjórnarmyndun 2019? 28. maí 2007

Í stjórnarsáttmálanum er kveðið á um að setja siðareglur fyrir ríkisstjórn og Alþingi. Ég legg til að fyrsta reglan verði sú að stjórnarflokkar sem ganga óbundnir til kosninga verði áfram óbundnir eftir þær og raunverulegar stjórnarmyndunarviðræður fari fram. Það væri nokkur siðbót í íslenskum stjórnmálum.

>>>

Atvinnufrelsið verði endurreist í almannaþágu 25. maí 2007

Núverandi staða Flateyrar, sem og annarra sjávarbyggða á landinu, er lýsandi dæmi þess að almannahagsmunum er vikið til hliðar fyrir sérhagsmuni útvalinna og auðsöfnun þeirra. Þingflokkur Frjálslynda flokksins telur að Alþingi verði þegar í stað að endurreisa atvinnufrelsi í sjávarútvegi með því að gera nauðsynlegar breytingar á lögum um stjórn fiskveiða.

>>>

Illa farið með fólk 22. maí 2007

En framtíð fólksins lítur ekki eins út, það fær ekki frið fyrir skuldunum. Það er illa farið með fólk og það hefur verið gert undanfarin ár. Það verður að breyta kvótakerfinu og tryggja atvinnu og byggð í landinu. Það vita stjórnmálamenn, líka þeir sem þögðu í kosningabaráttunni.

>>>

Frjálslyndir héldu velli 16. maí 2007

Niðurstaðan er að Frjálslyndi flokkurinn hélt velli, bæði á landsvísu og í kjördæminu. Flokkurinn fékk 7,3% atkvæða í heild sem er nánast það sama í fyrir 4 árum og 4 þingmenn eins og þá. Aðeins liðlega 100 atkvæði vantaði til þess að fá 5. þingmanninn kjörinn og fyrir vikið eru flest atkvæði á bak við hvern þingmann Frjálslynda flokksins. Í Norðvesturkjördæmi hlaut flokkurinn 13,6% greiddra atkvæða og 2 þingmenn eins og áður.

>>>

Kjósum nýja ríkisstjórn 11. maí 2007

Takmarkið er að Frjálslyndir fái áfram tvo þingmenn kjörna í kjördæminu og gangi það eftir verður ný ríkisstjórn og ný stjórnarstefna sem markast af áherslum okkar í atvinnu- og velferðarmálum. Málið er ákaflega skýrt, átakalínur í íslenskum stjórnmálum liggja í gegnum Norðvesturkjördæmi og úrslitin ráðast af árangri Frjálslynda flokksins. Breytingar verða ef flokkurinn fær áfram tvo þingmenn í kjördæminu, annars ekki.

>>>

Váboðar Sjálfstæðisflokksins 6. maí 2007

En fleiri váboðar vofa yfir. Á fundinum minnti formaður Eldingar, Gunnlaugur Finnbogason, á nýlega samþykkt landsfundar Sjálfstæðisflokksins og las úr henni þetta: "Gera þarf sérstakt átak í að einfalda stjórnkerfi veiðanna og auka gegnsæi þess með því að draga úr sérstökum úthlutunum og skorðum og öðru því sem felur í sér mismunum.

>>>

Atvinnufrelsið endurreisir Vestfirði 3. maí 2007

Svar Frjálslynda flokksins er uppbygging á mörgum sviðum sem miðar að því að efla getu íbúanna til að sækja fram á eigin forsendum, fjölga störfum, auka fjölbreytni þeirra og hækka launin og gera fjórðunginn þannig jafnálitlegan kost til búsetu og önnur svæði landsins. En aðalatriðið er að færa Vestfirðingum aftur atvinnufrelsið í sjávarútveginum.

>>>

Sömu laun fyrir sömu vinnu 2. maí 2007

Það er greinilegt að verulegur misbrestur er á því að atvinnurekendur greiði erlendum starfsmönnum þau laun sem Íslendingar hafa fengið. Þarna kemur fram misræmið á milli umsaminna lágmarkstaxta og greiddra launa og erlendum launamönnum er greitt samkvæmt töxtum. Með öðrum orðum ekki eru lengur greidd sömu laun fyrir sömu vinnu.

>>>

Einar Oddur óttasleginn 25. apríl 2007

Í grein sinni leggur Einar Oddur lykkju á leið sína til þess að sverta mig vegna starfa minna sem formaður stjórnar Byggðastofnunar. Það lýsir því einu að hann óttast um stöðu sína í komandi Alþingiskosningum og grípur til þessa ráðs til þess að auka líkur á endurkjöri sínu. Mér er til efs að neikvæð kosningabarátta Einars Odds verði honum til framdráttar.

>>>

Skoðanakannanir sem áróðurstæki 20. apríl 2007

Er ekki rétt að fjölmiðlar landsins einbeiti sér að stefnu og skoðunum og komi þeim áframfæri við kjósendur og láti svo þá um að ákveða sig? Þeir fjölmiðar sem ég gagnrýni sérstaklega í þessum pistli hafa mikla burði til þess að sinna hlutverki sínu og hafa yfir að ráða hæfum fréttamönnum. Þeim fer það ekki vel að fara svona út af sporinu.

>>>

EES samningurinn heimilar stjórnun 18. apríl 2007

Þetta eru málefnalegar ástæður til þess að grípa til aðgerða í þeim tilgangi að verja laun og önnur kjör verkafólks og iðnaðarmanna. Þær aðgerðir gætu t.d. verið að taka upp sömu reglur um leyfi til starfa á íslenskum vinnumarkaði og eru í gildi gagnvart þeim 6 milljörðum manna sem búa utan EES svæðisins.

>>>

Útlendingar fá lægri laun 17. apríl 2007

Um þetta snýst málið, að verja launastigið og kjör þeirra sem starfa á íslenskum vinnumarkaði, bæði útlendinga og Íslendinga. Verkafólk og iðnaðarmenn eru þær starfsstéttir sem verða fyrir barðinu á þessari þróun og eiga mest undir því að stjórnvöld verji kjör þeirra. Stjórnun á vinnumarkaði er ekki aðeins möguleg heldur nauðsynleg. Annað væri ábyrgðarleysi.

>>>

Þjóðlendur: Fjármálaráðherra á villigötum 16. apríl 2007

þess vegna verður að breyta lögunum á þann veg að meginreglan verði að taka gild þinglýst landamerkjabréf. Fram hefur komið að þinglýst bréf eftir lagasetninguna 1882 hafa að mestu haldið.

>>>

Á toppinn 15. apríl 2007

Það er ekki ónýtt fyrir stjórnmálamann að komast á toppinn. Mér tókst það í gær, að vísu ekki á þann hátt sem stefnt er að, heldur varð ég fyrir því að bíllinn valt á Steingrímsfjarðarheiðinni. Krapi og vatnsagi á veginum varð til þess að hjólin misstu gripið og enga stjórn var hægt að hafa á bílnum.

>>>

Okkar fólk og hinir 12. apríl 2007

Formaður Samfylkingarinnar talaði í viðtali við Stöð 2 í liðinni viku um "okkar fólk" sem yrði útilokað frá vinnu og námi í Evrópusambandslöndunum ef Íslendingar gripu til þess að hafa stjórn á fjölda erlendra launamanna. Hver er munurinn á því að tala um hina og okkar fólk?

>>>

Þenslan kostaði milljón kr. á fjölskyldu 11. apríl 2007

Miðað við útreikninga Þóru hefði ávinningur meðalheimilisins af minni þenslu og aðeins 2,5% verðbólgu því líklega numið um 1 milljón króna. Almenningur greiðir kostnaðinn af þenslunni.

>>>

Útlendingum er mismunað í launum 8. apríl 2007

En öllum á að vera ljóst að opinn vinnumarkaður fyrir alla er ekki einboðið mál og algerlega ástæðulaust að úthrópa þá sem vilja verja hagsmuni almenns launafólks. Þeir sem hæst hrópa nú vilja kannski ekki að almenningur átti sig á því hvaða hagsmuni þeir hafa í fyrirrúmi og grípa þess vegna til stóryrðanna. Hver veit?

>>>

Það var settur fyrirvari um innflutning vinnuafls 2. apríl 2007

"Þarna er settur sá fyrirvari að stjórnvöld geti gripið til aðgerða ef, eins og það er orðað, röskun verður á vinnumarkaði. Það er verið að tala um það að stjórnvöld verði að meta slíkt ástand eða yfirvofandi ástand og hafa samráð við aðila vinnumarkaðarins.Það er þá verið að tala um það að ef svo stór hópur útlendinga kemur hingað til lands að við verðum engan veginn í stakk búin til að taka á móti þeim. Einnig er verið að hugsa um atvinnuástandið í landinu o.s.frv."

>>>

Lítill bjarghringur 30. mars 2007

Íslandshreyfingin stefnir sem sé að því að verða lítill bjarghringur fyrir löngu fallna ríkisstjórn stóriðjuflokkanna undir forystu Sjálfstæðisflokkinn. Er nema von að Morgunblaðið fagni.

>>>

Að breyta þenslu í verðbólgu 30. mars 2007

Svo gott sem takmarkalaus aðgangur að vinnumarkaði hér á landi fyrir þá sem búa innan Evrópska efnahagssvæðisins hefur ekki reynst skuldsettum heimilum vel vegna verðbólgunnar. Það er hlutverk stjórnvalda að stjórna efnahagsmálum þannig að stöðugleiki verði.

>>>

Framboð gegn stjórnarandstöðunni 22. mars 2007

Þá telja Ómar og Margrét óhjákvæmilegt að bregðast við með nýjum flokki til þess að koma í veg fyrir að stjórnarandstaðan komist til valda. Ég held að þetta sé í fyrsta skipti sem flokkur er stofnaður beinlínis gegn stjórnarandstöðunni með þeim rökstuðningi að koma þurfi í veg fyrir að stjórnarflokkarnir komi fram aðalstefnumáli sínu.

>>>

Stjórnarskrárspilið 21. mars 2007

Það var einmitt lóðið að ætlunin var í reynd að þjóna útvegsmannahagmununum og fyrst ekki tókst að slá ryki í augun á fólki þá var það næstbesti kostur ríkisstjórnarinnar að hætta við málið og láta standa eftir í umræðunni ýmsar yfirlýsingar einstakra ráðherra og í greinargerð með frumvarpinu sem vinna heldur með eignarréttarkröfu kvótaeigendanna.

>>>

Þjóðin víkur fyrir LÍÚ 15. mars 2007

Fyrir 12 árum var áherslan á forræði þjóðarinnar, en nú er hún á forræði útvegsmanna. Þá voru almannahagsmunir í fyrirrúmi, en nú eru það sérhagsmunir. Pólitísku áherslurnar hafa greinilega breyst. Þjóðin hefur vikið fyrir LÍÚ.

>>>

Ræða á eldhúsdegi Alþingis 14. mars 2007 15. mars 2007

Ég held að almenningur vilji ekki svona stjórnvöld og vilji ekki þingmenn sem líta á það sem hlutverk sitt að vera í slíku liði og spila með valdinu , hvað sem öðru líður. Ég held að almenningur vilji kjósa sér þingmenn sem verja almannahagsmuni fyrir sérhagsmunum og geri ríkisstjórn á hverjum tíma að starfa eftir þeim leikreglum sem settar hafa verið.

>>>

…en með ólögum eyða 12. mars 2007

Til er máltæki sem hefst á orðunum með lögum skal land byggja. Satt er það að lög eru nauðsynleg til þess að menn byggi land í friði hver við annan. En máltækið endar á orðunum: en með ólögum eyða. Þegar það gerist að fólki fækkar um liðlega fimmtung á aðeins 12 árum í heilum landsfjórðungi eru ólög að verki.

>>>

Stóriðja er atvinnumál 10. mars 2007

En við skulum hafa í huga að orkan er auðlind, hana á að nýta til þess að skapa þjóðinni góð lífskjör. Stóriðja er atvinnurekstur sem skapar mörg velllaunuð störf og á fullan rétt á sér. Í hófi eins og annað gagnvart umhverfinu, efnahagslífinu og öðrum atvinnugreinum. Þessa auðlind á að nýta og gæta þess að arðurinn af henni renni til þjóðarinnar og auðgi atvinnulíf, líka þar sem hún er nýtt.

>>>

Bætiflákar Ríkisútvarpsins fyrir lögleysu 9. mars 2007

Mér finnst ekki eðlilegt að Ríkisútvarpið geri lítið úr því að farið sé að lögum og að jafnræðis sé gætt milli þingmanna. Fréttin í dag var að mínu mati mjög gildishlaðin, borið í bætifláka fyrir rangláta fundarstjórn sem bitnaði á Frjálslynda flokknum og þingmaður Frjálslynda flokksins er settur í neikvætt ljós.

>>>

Sjónarspil Framsóknar 6. mars 2007

Það er mín sannfæring að útgerðarauðvaldið í báðum flokkum hafi náð að drepa auðlindaákvæði stjórnarsáttmálans og það sé mikil einföldun að kenna Sjálfstæðisflokknum einum um. Þegar rennur upp fyrir mönnum hvað verður mikill órói vegna þessara vanefnda, sérstaklega innan Framsóknarflokksins hefst sjónarspilið.

>>>

Það sem almenningur er að hugsa 27. febrúar 2007

Sérstaklega vil ég benda á svör Hildar Dungal við spurningunni um það hvað henni finnist um umræðuna um innflytjendamál og þann farveg sem Frjálslyndi flokkurinn beindi henni í á síðasta ári. Hildur svarar orðrétt: "Margt af því sem Frjálslyndi flokkurinn hefur sagt er bara það sem almenningur er að hugsa".

>>>

Lokun Marels á Ísafirði - blikur á lofti í byggðaþróun 26. febrúar 2007

Lokun Marels á Ísafirði er reiðarslag fyrir Vestfirðinga. Hún dregur fram skýrt þá drætti sem einkenna byggðaþróun undanfarinna ára. Því miður er það veruleikinn að fjórðungurinn á í vök að verjast. Nokkuð lengi hefur verið leitast við að sjá allar breytingar með jákvæðum gleraugum hversu slæmar sem þær hafa verið hverju sinni. Það er út af fyrir sig ágætt til þess að mönnum yfirsjáist ekki möguleikarnir til sóknar og framfara. En hitt verður ekki umflúið að greina verður ástandið hverju sinni kalt og rökrétt því aðeins þannig er unnt að finna réttu ráðin til úrbóta.

>>>

Ívilnun Steingríms 23. febrúar 2007

Segja má að Steingrímur veiti afslátt á skilyrðum sínum varðandi stóriðju þegar Sjálfstæðisflokkurinn á í hlut.Ég skal ekki segja hvort þetta þetta er meðvitað, að verðlauna Sjálfstæðisflokkinn fyrir meiri stóriðju á næstu árum með því að segja að stjórnarsamstarf við hann komi eftir sem áður til greina.

>>>

Of lítið fjármagn til samgöngumála 21. febrúar 2007

Aðeins 15 milljarðar króna af söluverði Landssímans er varið til samgöngumála, hitt fer í ríkissjóð. Ég tel að öllu söluverðinu eigi að ráðstafa til málaflokksins, það bætir tæplega 52 milljörðum króna við. Ég sé enga sérstaka þörf á því að geyma þetta fé á reikningi í Seðlabankanum. Það yrði að ráðast af almennu efnahagsástandi hversu hratt yrði unnið fyrir viðbótarféð af sölu Landssímans, en ef hófs er gætt í stóriðjuframkvæmdum á næstu árum sé ég ekki annað en að hægt sé að vinna fyrir peningana á næstu 4 – 6 árum

>>>

Þingbundin stjórn eða múlbundnir þingmenn? 16. febrúar 2007

Segja má að ráðherrarnir starfi meira og minna án afskipta þingmannanna sem þeir styðjast við, þá er skýr aðskilnaður framkvæmdavalds og löggjafarvalds. En þegar málin eru komin til þingsins breytist þetta og samstarf framkvæmdavalds og löggjafarvalds verður svo náið að löggjafarvaldið má helst ekki snúa sér við án samþykkis framkvæmdavaldsins.

>>>

Frjálslyndir fella ríkisstjórnina 15. febrúar 2007

Er nema von að Sjálfstæðisflokkurinn óttist stefnumótið við kjósendur í vor. Ríkisstjórnin stendur höllum fæti og mun falla ef Frjálslyndi flokkurinn fær góða kosningu. Að öðrum kosti eru mestar líkur til þess að ríkisstjórnin muni halda velli. Lykillinn að stefnubreytingu í vor og stjórnarskiptum liggur í árangri Frjálslynda flokksins.

>>>

Sex milljarða króna ræða Geirs 9. febrúar 2007

Langstærstur hluti af skattalækkuninni mun renna til 1% tekjuhæstu framteljendanna, sem samanstendur af 600 hjónum og 1.072 einstaklingum. Þessi hópur, tæplega 2.300 manns, taldi fram með liðlega 51 milljarð króna í hagnað af sölu hlutabréfa af þeim 62 milljörðum króna sem söluhagnaðurinn var alls. Þetta þýðir að um 82% af allri skattalækkun Geir Haarde rennur til mjög fámenns hóps, sem hefur hæstu tekjurnar í þjóðfélaginu. Skattalækkunin á mann yrði miðað við skattframtöl 2006 að meðaltali 2.2 milljónir króna.

>>>

Úrsögn úr Framsóknarflokknum 8. febrúar 2007

Fyrr í dag sagði ég mig formlega úr Framsóknarflokknum og þar með þingflokki Framsóknarflokksins. Um leið læt ég af trúnaðarstörfum fyrir flokkinn í þingnefndum og hef óskað eftir því við heilbrigðisráðherra að vera leystur frá störfum sem formaður stjórnar Tryggingarstofnunar ríkisins. Jafnframt læt ég af stuðningi við ríkisstjórnina og mun skipa mér á bekk með stjórnarandstöðunni á Alþingi.

>>>

Fjármálafyrirtækin borga ekki skattinn 5. febrúar 2007

Ef þetta reynist vera rétt þá blasir við sú mynd að skattur af rekstrinum er talinn fram á Íslandi en ekki greiddur og hagnaður af sölu hlutabréfanna er talinn fram í Hollandi og enginn skattur greiddur hvorki þar né hér. Þá er spurningin: Eru fjárfestingarfélögin þátttakendur í íslensku samfélagi eins og venjulegir skattgreiðendur? Gleymum því ekki að aldraðir greiða skatta af lífeyrisgreiðslum sínum. Þeim skatti verður ekki frestað.

>>>

Samþykktir Framsóknarflokksins 31. janúar 2007

Á flokksþingi 2001 var samþykkt beinlínis að Ríkisútvarpinu yrði ekki breytt í hlutafélag. Síðar sama ár samþykkti miðstjórn flokksins skv. tillögu sérstaks málefnahóps að Ríkisútvarpið yrði sjálfseignarstofnun, óháð og sjálfstæð, sem yrði fjármögnuð með þjónustusamningi við ríkið. Staðreyndin er því miður sú að meirihluti þingflokksins ákvað á þessu kjörtímabili að hrinda í framkvæmd breytingum á Ríkisútvarpinu, sem eru í andstöðu við samþykkta stefnu Framsóknarflokksins.

>>>

Misskipting vex- hætta á hruni 29. janúar 2007

Það blasir við að hrun er framundan á veikustu svæðum landsbyggðarinnar ef þessi þróun heldur áfram. Reyndar má segja að 21% íbúafækkun á 12 árum sé ekkert annað en hrun og því má segja að hrun hafi þegar orðið sums staðar á landsbyggðinni. Ábyrgðarleysi undanfarinna ára getur ekki haldið áfram gagnvart landsbyggðinni utan áhrifasvæðis Höfuðborgarinnar og stóriðjuframkvæmdanna.

>>>

Einkavætt fréttahlutverk 24. janúar 2007

Nú stendur til að afnema þessi lagaákvæði og gera starfsmenn stofnunarinnar jafnberskjaldaða fyrir fulltrúum eigenda, sem er hið pólitíska vald, og er á einkamarkaði og Páll Magnússon lýsir í Morgunblaðinu. Mér finnst Páll ganga ansi langt í fullyrðingum sínum og get ekki tekið undir þær. En því er ekki að neita að staða fréttamanna í einkarekstri er miklu lakari en hjá hinu opinbera.

>>>

Er ríkisstjórnin að falla? 18. janúar 2007

Er ríkisstjórnin að falla? Þegar ákvæði stjórnarsáttmálans ná ekki fram að ganga er það skýlaust merki þess að stjórnarsamstarfið er að liðast í sundur. Í sáttmála núverandi ríkisstjórnar Sjálfstæðisflokks og Framsóknarflokks er eftirfarandi ákvæði í kaflanum um sjávarútvegsmál: "Ákvæði um að auðlindir sjávar séu sameign íslensku þjóðarinnar verði bundið í stjórnarskrá".

>>>

Tek ekki sæti á lista Framsóknarflokksins 17. janúar 2007

Í dag hef ég tilkynnt formanni kjördæmasambands Framsóknarflokksins í Norðvesturkjördæmi þá ákvörðun mína að taka ekki sæti á framboðslista flokksins við næstu Alþingiskosningar.

>>>

Kosningaloforð í ráðherranafni – 8 milljarðar króna 14. janúar 2007

Slíkar yfirlýsingar eiga frekar heima í kosningastefnuskrá flokkanna og mér finnst það gagnrýnivert þegar ráðherrar leika þennan leik og blanda saman stöðu sinni sem ráðherrar og frambjóðendur. Umræddur samningur hefur hvorki verið kynntur né samþykktur í stjórnarflokkunum, svo mér sé kunnugt um. Vilji ráðherrann hrinda ákvæðum samningsins í framkvæmd á hann að snúa sér til Alþingis og leggja fram frumvarp. Geri hann það ekki er ekkert fast í hendi. Næsta ríkisstjórn er ekki skuldbundin.

>>>

Alcan bíður og hótar 5. janúar 2007

Alcan á Íslandi vill fá að stækka verksmiðju sína í Hafnarfirði verulega og auka framleiðslu fyrirtækisins úr 180 þúsund tonn á ári upp í 460 þúsund tonn. Fyrirtækið hefur náð samningum við orkusölufyrirtæki um raforkuverð. Lýðræðið hefur greinilega sett áform fyrirtækisins í nokkurn vanda. Bæjarstjórnin í Hafnarfirði hefur ákveðið að íbúarnir eigi að hafa úrslitaáhrif á það hvort stækkunin verði samþykkt

>>>

Uppgjörið framundan 30. desember 2006

Þingmenn sem gangast við slíku hlutverki eru að bregðast kjósendum, gengisfella Alþingi og veikja lýðræðið. Eitt sinn var kjörorð formanns Sjálfstæðisflokksins – gjör rétt, þol ei órétt. Í því felst að menn eiga að þekkja muninn á réttu og röngu og gera það rétta, hvað sem líður vilja einhverra forystumanna og það sem er jafnmikilvægt að þola ekki órétt.

>>>

Þingnefndin birti gögnin sem ríkisstjórnin hélt leyndum 19. desember 2006

Þingnefndin var í þeirri stöðu að velja á milli þess að verja forsætisráðherrann og koma í veg fyrir að almenningur fengi að vita af ósannindum hans eða að gæta almannahagsmuna og sjá til þess að almenningur fengi réttar upplýsingar. Það má kannski orða svo að þingmennirnir í nefndinni urðu að gera það upp við sig hvort þeir ætluðu að verja sinn mann eða þjóna almenningi. Spila í liðinu með Blair og taka þátt í því að spila með breskan almenning. Eða að opinbera upplýsingarnar þótt óþægilegar væru.

>>>

Einkamál stjórnmálaflokkanna 10. desember 2006

Löggjöf um stjórnmálastarfsemi er þörf og nauðsynleg, en það er ekki einkamál fáeinna forystumanna flokkanna að ráða henni til lykta. Það þykir ekki góð latína lengur að menn sitji báðum megin borðs hvað þá að vera allt í kringum borðið eins og er í þessu tilviki. Þess vegna átti að senda frumvarpið til umsagnar og gefa rúman tíma fyrir almenning og gefa hverjum þeim sem það vildi tækifæri til þess að setja fram ábendingar og tillögur um það sem í löggjöfinni ætti að vera. Þessi löggjöf á ekki að vera einkamál stjórnmálaflokkanna.

>>>

Nei við hlutafélagavæðingu RÚV 7. desember 2006

Enn er hlutafélagvæðing RÚV komið á dagskrá Alþingis. Afstaða mín til málsins er óbreytt frá síðustu útgáfu málsins. Ég er andvígur breytingunni og held mig við samþykkta stefnu flokksins á síðasta kjörtímabili , að Ríkisútvarpið verði sjálfseignarstofnun og rekstur hennar tryggður með þjónustusamningi við ríkið.

>>>

Sturla segðu satt - Arnkötludal verður seinkað 5. desember 2006

Ég vil ráðleggja ráðherranum að segja sannleikann, það er verið að láta framkvæmdir fyrir vestan og reyndar á norðausturhorninu líka víkja fyrir framkvæmdum við höfuðborgarsvæðið. Það er kjarni málsins.

>>>

Arnkötludal frestað en ný verkefni sett af stað 30. nóvember 2006

Það má vissulega skilja það að dregið sé úr framkvæmdum í þensluástandi eins og var í sumar, en þessi frestun sem nú er lögð til verður ekki rökstudd með þeim rökum. Af þeirri einföldu ástæðu að hefja á nýjar framkvæmdir við verk á Vesturlandsvegi og Suðurlandsvegi á næsta ári fyrir samtals 1 milljarð króna. Tvisvar sinnum hærri fjárhæð en verið er að fresta fyrir vestan og norðan.

>>>

Áfram hægri Framsókn 20. nóvember 2006

Staðreyndin, sem við búum við, er að flokkurinn stendur ákaflega illa og er með frá 6 – 8% fylgi í síðustu könnunum. Hann fékk innan við 12% fylgi á landsvísu í sveitarstjórnarkosningunum síðastliðið vor og þær kosningar gefa yfirleitt góða vísbendingu um það sem koma skal í Alþingiskosningunum á eftir. Það er hverju orði sannara að við þurfum sterkari Framsókn eins og ég talaði fyrir í prófkjörsbaráttunni, en mér er til efs að það verði með því að stefna að áframhaldandi samstarfi við Sjálfstæðisflokkinn fjórða kjörtímabilið í röð. Einkavæðing Landsvirkjunar og sala RÚV eru ekki líkleg til þess að færa Framsóknarflokknum að nýju traust fyrri kjósenda sinna.

>>>

Til stuðnings íslenskum landbúnaði – 3 staðreyndir 10. nóvember 2006

Mikil umræða hefur verið um matvælaverð hér á landi. Sagt er að verðið sé hátt og mun hærra en meðalverð 15 ESB landa og talið vandinn liggi í takmörkunum á innflutningi á mjólk - og kjötvöru. Með þessari framsetningu er neytendum eða almenningi stefnt gegn bændum. En ekki er allt sem sýnist í þessu máli fremur en í mörgum öðrum. Lítum á 3 staðreyndir sem tala öðru máli.

>>>

sterkari framsókn – hvernig? 6. nóvember 2006

Það er deginum ljósara að við þurfum sterkari framsókn. Þjóðin þarf sterkari framsókn vegna þess að hófsöm og umbótasinnuð stefna frjálslyndra félagshyggjumanna er skynsamlegasta leiðin og flestum að skapi. Stefnan vinnur að breytingum, sem eru forsenda framfara, en gerir það með almannahagsmuni að leiðarljósi, fer gætilega og tryggir jöfnun lífskjara.

>>>

Samgöngur og atvinna eru stóru málin 27. október 2006

Í vikunni hafa þingmenn Norðvesturkjördæmis farið um kjördæmið og hitt sveitarstjórnarmenn að máli. Í þinginu er svonefnd kjördæmavika og engir þingfundir en ætlas er til þess að þingmenn verji tíma sínum í kjördæmi sínu. Þingmannahópurinn hélt þrjá fundi með sveitarstjórnarmönnunum, einn í hverju hinna gömlu kjördæma, Vesturlandi, Vestfjörðum og Norðurlandi vestra. Að auki hef ég haldið fundi bæði með flokksmönnum og opna fundi og verða þeir orðnir fimm talsins þegar kjördæmavikan verður á enda.

>>>

Hvalveiðar í atvinnuskyni 17. október 2006

Veiðarnar uppfylla skilyrði ályktunar Alþingis frá 1999 um það að vera á grundvelli vísindalegrar ráðgjafar Hafrannsóknarstofnunar og undir eftirliti stjórnvalda. Niðurstaðan er skýr: Sjávarútvegsráðherra hefur skýrt og ótvírætt pólitískt umboð frá Alþingi til þess að heimila hvalveiðar í atvinnuskyni. Um það þarf ekki að efast.

>>>

Var ráðherrann þá vanhæfur og sagði hann ekki satt? 10. október 2006

Niðurstaða Ragnars Aðalsteinssonar er sú að ráðherrann hafi gripið til þess að ráðs að koma gögnunum undan þegar hann sá að ekki varð lengur neitað Ragnari um aðgang að þeim og að ráðherrann segi ekki satt þegar hann lýsir málavöxtunum í Morgunblaðinu á föstudaginn. Í stuttu máli þá staðfestir Ragnar Aðalsteinsson allt það sem ég sagði í grein minni.

>>>

Þjóðareign í þjóðarþágu með afnotarétti einstaklinga 5. október 2006

Það er mjög aðkallandi að skilgreina betur í lögum réttinn til þess að nýta fiskstofnana. Þar þarf að koma fram hver geti nýtt auðlindina, hve lengi, hvernig, hvenær og ákvæði um greiðslu fyrir nýtinguna. Nú er lagaákvæðið óljóst og ótímabundið og það veldur verulegum vandkvæðum. Eðlilegt er að einkaaðilar annist nýtingu auðlindarinnar og greiði fyrir.

>>>

Fréttablaðið? 29. september 2006

Það sem ég las út úr umfjöllun Fréttablaðsins var einfaldlega þetta: símafyrirtækin og bankarnir eru Fréttablaðinu mikilvægari en lesandinn eða með öðrum orðum neytandinn. Það skipti blaðið meira máli að flytja mál þeirra sem okra á neytendum en rök þeirra sem eiga að verja okkur fyrir okrinu.

>>>

Leyndarskjalasafnið og leyniþjónustan 19. september 2006

Í þessu samhengi er rétt að hafa í huga að mikilvægast er að traust ríki milli stjórnvalda og almennings. Þetta mál grefur undan traustinu, leyndin og vífillengjurnar vekja grunsemdir sem ekki verða kveðnar niður nema með því að upplýsa alla þætti málsins, a.m.k. gagnvart þeim sem í hlut áttu. Sérstaklega þarf framkvæmdavaldið að gera hreint fyrir sínum dyrum gagnvart Alþingi. Það er sérstaklega alvarlegt að njósnað hafi verið um alþingismenn, eftir því sem best verður séð eingöngu vegna pólitískra skoðana þeirra.

>>>

Írak – til hvers? 12. september 2006

Fyrsta árið féllu að meðaltali 20 óbreyttir borgarar á dag, en þriðja árið var meðaltalið komið upp í 36 manns á dag.Hver er árangurinn? Svarið er augljóst: enginn og reyndar verri en enginn, borgarastyrjöld geysar í Írak og Bandaríkjaher hvorki ræður við ástandið né getur farið burt. Hvert er hlutverk innrásarhersins ef hann getur ekki tryggt öryggi Íraka og ekki öryggi Bandaríkjamanna og tilvist hans í Írak kallar á dagleg hermdarverk? Hver getur svarað þessari spurningu?

>>>

Almenningur greiðir fyrir skort á samkeppni 28. ágúst 2006

Ég held að það sé fyllilega tímabært að meta árangurinn af einkavæðingu undanfarinna ára og leita svara við hvort hún muni skila þeim árangri almenningi til hagsbóta sem að var stefnt. Einkavæðing og markaðsvæðing er ekki takmark í sjálfu sér heldur verður slík stefna að þjóna almannahag. Ef það gerist ekki hljóta menn að spyrja um tilgang stefnunnar.

>>>

Í sókn í 90 ár 21. ágúst 2006

Ég hafði boið mig fram til embættis ritara, en þegar tæplega sextugir karlmenn höfðu verðir kosnir til forystu í formanns og varaformannsembættisins ákvað ég að draga framboðið til baka. Í þriggja manna forystusveit flokksins verður að vera fólk af báðum kynjum og með meiri aldurdreifingu en hefði orðið ef ég hefði valist til að gegna starfinu með þeim Jóni Sigurðssyni og Guðna Ágústssyni. Ég segi bara eins og Jóhanna Sigurðardóttir forðum – minn tími mun koma.

>>>

Draugagangurinn um Íbúðalánasjóð 17. ágúst 2006

Málið er alveg kristaltært í stjórnarsáttmálanum og samþykktum Framsóknarflokksins. Eftir því á að vinna með almannahagsmuni að leiðarljósi. Ríkisstjórnin hefur ekkert umboð til þess að fara út fyrir stjórnarsáttmálann og við framsóknarmenn erum bundnir af ákvæðum hans og loforðum okkar til kjósenda í síðustu Alþingiskosningum. Orð skulu standa og draugar niður kveðnir.

>>>

Yfirlýsing um framboð til embættis ritara Framsóknarflokksins 14. ágúst 2006

Á flokksþingi Framsóknarflokksins um næstu helgi verður kosin ný forysta. Ritari er einn af þremur kjörnum forystumönnum flokksins og fer auk þess með forystu í innra starfi hans með því að leiða landstjórn Framsóknarflokksins, sem mótar stefnuna um innra starfið. Að vel athuguðu máli hef ég ákveðið að bjóða mig fram og sækjast eftir kjöri í ritarastarfið.

>>>

Misnoktun eða spuni 11. ágúst 2006

Ég hef verið hugsi yfir umfjöllum Morgunblaðsins um Framsóknarflokkinn undanfarnar vikur. Hún hefur verið með þeim hætti að engu er líkara en að ætlunin sé að hafa áhrif á gang mála innan flokksins, sérstaklega að hafa áhrif á val á forystumönnum. Spurningin er þessi: Er um misnotkun að ræða þar sem menn innan flokksins eru að nota Morgunblaðið í sína þágu eða er ritstjóri blaðsins sjálfur að spinna þráðinn ? Ef seinni tilgátan er sú rétta vaknar önnur spurning: Hver er tilgangur ritstjórans?

>>>

Ómaklegar ásakanir samgönguráðherra. 20. júlí 2006

Þannig er þessi saga og það veit samgönguráðherra. Hvorki eru 90% lánin orsök verðbólgunnar nú né starfsemi Íbúðalánsjóðs. Það er stóra spurningin málinu: hvers vegna hefur ekki verið tekið á útlánastarfsemi bankanna ? Þar getur auðvitað verið um sameiginlega ábyrgð ráðherranna eða stjórnarflokkanna að ræða, en aðalatriðið er að taka á vandanum. Stjórnarsamstarfið getur ekki gengið út á að finna blóraböggul.

>>>

Fjármagnskostnaðurinn er stóra málið. 18. júlí 2006

Kostnaður heimilanna af háu verði lánsfjár á Íslandi er miklu meiri en af matarverðinu. Ætla má að umfram fjármagnskostnaðurinn sé um 200 – 500 þúsund krónur á hverju ári fyrir hvert heimili að meðaltali miðað við tölur um heildarskuldsetningu íslensku heimilanna. Það er miklu meira hagsmunamál fyrir almenning að taka fjármálamarkaðinn í gegn og lækka kostnað neytenda af viðskiptum við hann.

>>>

Stefnubreyting í umhverfismálum 4. júlí 2006

Það hefur orðið stefnubreyting innan Framsóknarflokksins í afstöðu til umhverfisverndar á síðustu mánuðum. Nú er klárlega meirihluti fyrir því að stækka friðlandið í Þjórsárverum og hætta við öll áform um frekara rask þar, svo sem með Norðlingaölduveitu. Það er mikill árangur og sýnir áhrifamáttt skoðana og málflutnings.

>>>

Vikið af leið 28. júní 2006

Hin óábyrga hegðun bankanna er að baki og þá dregst saman aftur einkaneyslan sem af henni hlaust. Það er hins vegar að hengja bakara fyrir smið að ætla nú að þrengja að Íbúðarlánasjóði. Útlán hans hafa ekki stuðlað að þenslunni. Ákvörðun ríkisstjórnarinnar beinist að almannahagsmunum og skaðar þá. Kostnaður venjulegs fólks hækkar af því að eignast þak yfir höfuðið.

>>>

Kvótakerfið kveikir nýja elda 20. júní 2006

Það gerðist líka núna. Fréttir bárust um það að stór hluti af kvóta Grímseyinga væri til sölu. Þær minntu á einn helsta galla kerfisins: fáir menn hafa í hendi sér að svipta svo marga atvinnu sinni að heilt byggðarlag verður í uppnámi. Þrátt fyrir að þjóðin hafi séð þetta gerast í mörgum sjávarplássum landsins, eða kannski vegna þess, þá er andstaðan og andúðin á þessum afleiðingum kerfisins enn mikil og virðist síst fara minnkandi. Það er rótgróin andúð landsmanna á því að sérhagsmunir fárra séu hafðir í fyrirrúmi og almannahagsmunir víkji fyrir þeim.

>>>

Hræðslan við bandalögin og óvarleg ummæli 13. júní 2006

Það þarf að undirstrika að lýðræðið felur í sér að enginn einn flokkur á öðrum fremur rétt til þess að vera við völd. Það er ekki aðför að Sjálfstæðisflokknum þótt aðrir vilji stjórna og það er engin ástæða til þess að uppnefna þá skyrhræring eða bix sem bjóða sig fram til þjónustu fyrir kjósendur, þótt þeir séu ekki í Sjálfstæðisflokknum.

>>>

Endurnýjun framundan 8. júní 2006

Innan Framsóknarflokksins er mikið starf framundan. Það snýst ekki bara um það að kjósa nýja forystu fyrir flokkkinn heldur ekki síður um málefni. Þegar allt er á botninn hvolft þá eru það málefnin sem mestu ráða um gengi stjórnmálaflokka og er ég þá ekki að gera lítið úr áhrifum einstaklinga og forystumanna, sem vissulega eru alltaf mikil

>>>

Bærileg úrslit í Norðvesturkjördæmi en mikið tap á landsvísu 30. maí 2006

Þess vegna er einmitt óhjákvæmilegt að bregðast við úrslitunum strax til þess að koma í veg fyrir sambærileg úrslit í kosningunum að ári. Eðlilegt er að byrja með miðstjórnarfundi sem fyrst og jafnvel kalla til stærri hóp á þann fund, þar sem staðan yrði metin,málin rædd og ákveðin næstu skref.

>>>

Stjórnarsáttmálinn er skýr – 90% lán. 21. maí 2006

En þá ber að líta á stjórnarsáttmálann, hann er skýr og það ber að fara eftir honum. Telji ráðherrar nú að breyta þurfi sáttmálanum verður að gera það með sama hætti og sáttmálinn sjálfur var samþykktur. Miðstjórn Framsóknarflokksins er ein bær til þess samþykkja breytingar á stjórnarsáttmálanum og stefnubreyting í húsnæðismálunum verður að teljast meiriháttar atriði, sérstaklega í ljósi forsögu málsins. Þingmenn flokksins hafa samþykkt stjórnarsáttmálann og eru bundnir af honum, rétt eins og aðrir miðstjórnarmenn.

>>>

Kastljós Sullenbergers 14. maí 2006

Það væri verðugt verkefni þessara fjölmiðla að kafa ofan í það mál, hvar stendur það nú og til dæmis tregðu Ríkislögreglustjóraembættisins til þess að taka málið til rannsóknar. Eru menn búnir að gleyma öllu orðaskakinu og vífillengjunum um rannsókn Samkeppnisstofnunar? Kastljósið gæti til dæmis dregið fram eigendatengsl milli Morgunblaðsins og eins höfuðpaursins í svindlinu á almenningi.

>>>

Aðgöngumiði sem kostaði einn milljarð króna 12. maí 2006

Fjárhæðirnar sem þarf að leggja fram í sjávarútvegi, ef koma á fót nýju fyrirtæki, eru slíkar að hvorki sveitarfélög eða einkaaðilar í fámennum byggðarlögum geta risið undir þeim í núverandi kerfi. Það er eðlilegt að hluti af þjóðareigninni, veiðiheimildunum, sé falin opinberum aðilum í byggðarlögum við sjávarsíðuna til þess að styrkja þau.

>>>

78% framsóknarmanna vilja flugvöllinn í Vatnsmýri 9. maí 2006

Fyrir ári gerði Gallup könnun á viðhorfi landsmanna til staðsetningar Reykjavíkurflugvallar. Meginniðurstaðan var að 55% landsmanna vilja hafa flugvöllinn þar sem hann er nú. Það sem meira er: rúm 78% fylgismanna Framsóknarflokksins eru andvígir því að færa flugvöllinn og 58% stuðningsmanna Sjálfstæðisflokksins.

>>>

Gallað lýðræði. 7. maí 2006

Í kosningum þurfa að vera skýrir kostir sem kjósandinn getur valið um og sérstaklega þarf að kjósa um það sem máli skiptir. Þannig er ekki kosið um ríkisstjórn í Alþingiskosningum, sem er það sem kjósandinn er fyrst og fremst að hugsa um. Kjósandinn getur ekki gefið svör við því hvaða flokka hann vill í ríkisstjórn af þeirri einföldu ástæðu að hann er ekki spurður. Hann getur heldur ekki valið ráðherraefni af sömu ástæðu. Vald kjósandans er orðið of lítið en vald flokksforystu of mikið. Það hygg ég að sé ein af ástæðunum fyrir minnkandi áhuga almennings.

>>>

Flokksstefnan er: flugvöllur í Vatnsmýrinni 5. maí 2006

Á síðasta flokksþingi, fyrir rúmu ári, var samþykkt sérstök höfuðborgarstefna og þar segir um flugvöllinn: "Miðstöð innanlandsflugsins verði áfram rekin í Reykjavík. Leitað skal leiða til að skipuleggja flugvallarsvæðið og næsta nágrenni þess þannig að landsvæði sem undir hann fer minnki og stuðli að eðlilegri byggðaþróun í Reykjavík. Með þessu móti er tryggt að haldið verið uppi öflugum og öruggum samgöngum milli landsbyggðar og höfuðborgarsvæðisins."

>>>

Áfram í Vatnsmýrinni 4. maí 2006

Umræðan sem nú fer fram um Reykjavíkurflugvöll hefur breyst mikið frá því sem var. Nú eru raddirnar um að leggja niður Reykjavíkurflugvöll svo gott sem þagnaðar og gengið út frá því að flugvöllur verði að vera á höfuðborgarsvæðinu. Það er mikil framför. Nú er tekist á um hvar völlurinn verði á höfuðborgarsvæðinu. Líklegasta niðurstaðan er að völlurinn fari hvergi og verði áfram í Vatnsmýrinni.

>>>

Framsókn í Ísafjarðarbæ stendur vel 2. maí 2006

Þetta er aðeins 3,5% fylgistap, sem verður að teljast lítill samdráttur miðað við fylgistap flokksins í öðrum bæjarfélögum þar sem Félagsvísindastofnun hefur gert kannanir. Þannig hafði Framsókn á Akranesi misst um 14% fylgisins, ríflega helming, frá síðustu kosningum, um 10% fylgistap var hjá Framsókn í Árborg og sama á Akureyri.

>>>

Afmælisdagur Jónasar frá Hriflu – skipting arðsins. 1. maí 2006

Jónas segir í Skinfaxa: “ að framfarir atvinnuveganna geti orðið mönnum meira til bölvunar en blessunar, ef menn kunni ekki að skipta arðinum sanngjarnalega. Þess vegna þurfi að tryggja öllum réttláta hlutdeild í árangrinum, sem hin aukna tækni skapar, en stemma stigi fyrir, að hagnaðurinn lendi í höndum fárra manna.”

>>>

Athugunarstjórmál eru besti kosturinn. 30. apríl 2006

Spurningin sem eftir stendur er þessi: hvernig gat það gerts að flestir flokkarnir báru fram svona illa ígrundaða stefnu ? Ég velti því fyrir mér hvort þetta mál sýni ekki mikinn veikleika í lýðræðislegu starfi flokkanna, ákvarðanatöku án umræðu og athugunar til undirbúnings. Sumir kjósa líklega að kalla það athafnastjórnmál sem þykir fínt og andstæða umræðustjórnmála, sem gert er lítið úr. En það er nú einu sinni tilgangur stjórnmálaflokka að vera vettvangu umræðu og athugunar á málum sem leiði svo til niðurstöðu

>>>

Ríkisútvarpið verði sjálfseignarstofnun. 26. apríl 2006

Nú er sagt að ekki standi til að selja og að Sjálfstæðisflokkurinn hafi fallið frá þeim áformum. Ég verð að viðurkenna að ég hef ekki séð þess stað í samþykktum flokksins eða yfirlýsingum forystumanna hans og tel að viljinn til þess að selja RÚV sé til staðar innan flokksins og vísa þar til frumvarps á Alþingi um hf-væðingu RÚV og sölu þess í kjörfarið sem nokkrir þingmenn hans hafa flutt. Þá má benda á atkvæðaskýringu eins þingmanns flokksins sem benti á að RÚV hf. væri áfangi á leið til einkavæðingar stofnunarinnar. Það þarf ekki frekar vitnanna við.

>>>

Fjölskyldu- og útgjaldakosningar. 23. apríl 2006

Vandinn á stjórnarheimilinu er að meiri áhersla hefur verið á lækkun almennra skatta en aukið fé til málefna aldraðra og þeim pólitísku áherslum verður að breyta. En kannski er tillagan um það að færa þjónustu við aldraða meira og minna til sveitarfélaga óbein viðurkenning á þörfinni fyrir stefnubreytingu frá skattalækkun til þjónustu, ein leið til þess að segja kjósendum að áherslunum hafi verið breytt.

>>>

Raunvaxtaránið - 27 milljónir króna 21. apríl 2006

Að lokum er rétt að bera saman leiðirnar tvær. Vaxtalækkunarleiðin, sem ég tel að eigi að fara færir kostnaðinn af 15,9 mkr. láninu niður í 7,8 milljónir króna, en bankaleiðin hækkar kostnaðinn í 24,2 milljónir króna. Munurinn er 16,4 milljónir króna. Til þess að geta greitt þá fjárhæð þarf að afla um 27 milljóna króna launatekna á lánstímanum. Það eru öll laun í 9 ár miðað við meðalatvinnutekjur í fullu starfi. Það verður mikill arður af rekstri bankanna við þessar aðstæður, arður sem almenningur borgar.

>>>

Fækkun starfa og lækkun tekna. 18. apríl 2006

Það mætti hugsa sér til að byrja með að leggja til atvinnumála á Vestfjörðum og Norðurlandi vestra svipaða fjárhæð og það kostar að skapa 10 störf í stóriðju eða 3 – 4 milljarða króna. Ég er viss um að ná megi góðum árangri með það fé til ráðstöfunar og að innlend sem erlend fyrirtæki verði fús til samstarfs við stjórnvöld og reiðubúin að leggja fram sjálf mikla peninga til atvinnusköpunar á landssvæðinu.

>>>

Í þrældóm fjármálagreifanna. 13. apríl 2006

Miðað við 2% mun á raunvöxtum eru heimilin hér á landi að borga um 22 milljarða króna á hverju ári af skuldum sínum, umfram það sem væri erlendis, en um 54 milljarðar króna ef miðað er við 5% mun. Þetta er aukakostnaður almennings, skatturinn til fjármálagreifanna íslensku, sem þarf að greiða á hverju ári af þessum skuldum vegna samtryggingar fjármálafyrirtækjanna. Almenningur er í vaxtaþrældóm fjármálagreifanna.

>>>

Galin hugmynd. 11. apríl 2006

Það skynsamlegasta sem Bandaríkjamenn geta gert nú er að fá Ísraelsmenn til þess að láta kjarnorkuvopn sín af hendi og draga þannig úr spennunni í Miðausturlöndum. Bandaríkjamenn eiga að vernda Írani fyrir umheiminum, í stað þess að vera umheimurinn sem ógnar öryggi þeirra og með því háttalagi veldur svo umheiminum ógn af sjálfum sér og Írönum. Þetta háttalag Bandaríkjamanna er alveg galið.

>>>

Þingræðið með flensu. 8. apríl 2006

Þingræðið byggist einmitt á því að ráðherrar sækja vald sitt til þingmannanna sem mynda stjórnarmeirihlutann. Frumvörp sem þeir flytja fá framgang á Alþingi ef þingmennirnir veita þeim stuðning sinn. Þess vegna á meginreglan að vera sú að frumvörpin eru unnin í samráði við þingmenn og fengið þeirra samþykki áður en þau eru flutt og gerð opinber. Málin eru í raun flutt í nafni stjórnarþingmannanna en ekki bara í nafni ráðherrans.

>>>

Hvað vilja framsóknarmenn? 6. apríl 2006

Það er eðlilegt í ljósi þess hve víða framsóknarmenn kjósa að starfa saman að framboði með öðru félagshyggjufólki að velta fyrir sér hvert stefnir til framtíðar litið. Það hlýtur að vera tilgangur með starfi stjórnmálaflokks að bjóða fram til kosninga stefnu sína og talsmenn. Þegar flokksmenn telja í vaxandi mæli að hagsmunum þeirra og sjónarmiðum sé betur borgið í formlegu eða óformlegu samstarfi við aðra flokka heldur en með sjálfstæðu framboði er ástæða til þess að staldra við. Hvað mun leiða af þeirri þróun og hver er vilji flokksmanna?

>>>

Árslaun tapast í vaxtahækkun. 2. apríl 2006

Fyrir helgina hækkuðu vextir hjá Íbúðalánasjóði í 4,85% og hafa þeir þá hækkað um 0,7% á skömmum tíma. Þessi hækkun lætur ekki mikið yfir sér en kostar lántakandann mikla peninga. Þeir sem munu taka sín lán á næstu vikum munu þurfa að greiða 4,85% vexti ofan á verðtryggingu og þá verður kostnaðurinn 20,1 mkr. og hefur hækkað um 3.433.551 kr. eða um 21%.

>>>

Byggðastofnun lögð niður. 31. mars 2006

Það verkur sérstaka athygli þegar skoðað er skipurit og greindur ákvörðunarferillinn í hinnu nýju stofnun og Nýsköpunarsjóði atvinnulífsins eftir breytingar, sem þar verða gerðar, hversu ráðherravaldið er orðið mikið og miðstýringin öflug. Engin stjórn verður yfir Nýsköpunarmiðstöðinni og sjóðirnir sem koma til með að tengjast henni eru meira og minna háðir samþykki ráðherra, oftast iðnaðarráðherra, en stundum öðrum, svo sem fjármálaráðherra og sjávarútvegsráðherra.

>>>

Enn gefur hún. 29. mars 2006

Forsætisráðuneytið óskaði eftir áliti Ríkislögmanns á úrskurði Óbyggðanefndar og kemst hann að þeirri niðurstöðu að ósannað sé að ríkið hafi ætlað að færa vatnsréttindin til Landsvirkjunar sem eign og að ríkið hafi eingöngu lagt fyrirtækinu til hagnýtingarrétt en ekki eignarrétt.. Hann er sem sé sammála Óbyggðanefnd. Þá er það niðurstaða Ríkislögmanns að úrskurður Óbyggðanefndar hafi hvorki breytt eignarhlutföllum né réttarstöðu eigenda Landsvirkjunar.

>>>

Herinn að fara – loksins. 27. mars 2006

Eðlilegast hlýtur að vera að skilgreina öryggisþörf landsins út frá okkar hagsmunum. Aðildin að Nató stendur óbreytt og fyrsta spurningin hlýtur að vera hvort einhverju þurfi við hana að bæta? Í ljósi stöðumats Bandaríkjamanna má ætla að Varnarsamninginn við Bandaríkjamenn hafi takmarkað gildi, ef nokkuð.

>>>

Viljum við auka byrðarnar? 23. mars 2006

"Því leggjumst við framsóknarmenn gegn þessum hugmyndum. Við viljum tryggja áframhaldandi hagkvæmustu lánakjör til kaupa og byggingu á hóflegu húsnæði fyrir fjölskyldurnar í landinu með því að standa vörð um Íbúðalánasjóð. Það er best gert með því að tryggja Framsóknarflokknum góða kosningu þann 10. maí."

>>>

Hjúkrunarrými í stað skattalækkunar. 21. mars 2006

Ég vil taka undir þær hugmyndir sem áður hafa komið fram, að hætta við lækkun tekjuskattsprósentunnar um 2% um næstu áramót og hafa lækkunina aðeins 1%. það gefur ríkissjóði 5-6 milljarða króna í tekjur á hverju ári. Horft til næstu 10 ára munu þær tekju duga til þess að greiða allan kostnað við rekstur nýju hjúkrunarrúmanna og stofnkostnaðinn einnig. Þetta er skýr og einföld tillaga og hún leysir vandann.

>>>

Enginn friður – bara ofbeldi og morð. 19. mars 2006

Það er áfall fyrir lýðræðið að þessir atburðir skulu geta hafa gerst. Áfallið fellst kannski mest í því að ráðamennirnir, bæði B-in tvö og reyndar fleiri, skuli ekki hafa virt lýðræðislegu leikreglurnar, heldur litið á þær sem hindrun fyrir vilja sínum og að þeim væri heimilt að beita öllum ráðum til þess að sniðganga leikreglurnar. Og það væri afsakanlegt vegna þess að lýðræðið víkur fyrir “guðlegum” vilja.

>>>

Lýðræðisleg umræða í kreppu. 17. mars 2006

Viðbrögð stjórnar SUF einkennast af skoðanakúgun, það er ekki hægt að hafa önnur orð um ályktunina. Það má ekki setja fram skoðun og það má ekki ræða hana. Skoðun er skilreynd sem árás á flokkinn og málefnaleg umræða er kölluð árás á málefnastarf. Þá sem slíkt gera á að flæma úr flokknum. Það eru skilaboðin frá fulltrúum unga fólksins í flokknum. Þetta er hreinræktuð skoðanakúgun sem hingað til hefur ekki viðgengist í íslenskum stjórnmálaflokkum. Sannkallað austantjaldslýðræði. Málefnalegri umræðu er mætt með persónulegum árásum.

>>>

Árni er aðal. 14. mars 2006

Það fer ekki á milli mála að fjármálaráðherra er aðalmaðurinn. Í gær var send út fréttatilkynning frá fjármálaráðuneytinu þar sem almúganum og aumu Alþingi var tilkynnt: “hefur fjármálaráðherra ákveðið að gera skattalegar umbætur”. Ríkisútvarpið áttaði sig auðvitað á því hver er aðal og sagðist svo frá: Fjármálaráðherra hefur ákveðið að lækka skatta hjá nýsköpunarfyrirtækjum.

>>>

Stjórnmálahreyfingar alþýðu 90 ára. 12. mars 2006

Hvað myndi Jónas frá Hriflu leggja til ef hann mætti nú skyggnast um sviðið? Hvaða leið sæi hann fyrir Framsóknarflokkinn til þess að hann megi áfram vera mótandi forystuafl um íslenskt þjóðfélag? Myndi hann ekki enn leggja áherslu á að alþýða landsins til sjávar og sveita eigi samleið og að Framsóknarflokkurinn eigi að einbeita sér að almannahagsmunum og gegn sérhagsmunum? Hver veit, en Jónas gæti bent á að þeir flokkar sem skilgreina sig sem félagshyggjuflokkar eigi að öðru jöfnu að vinna saman. En myndi hann telja nú þörf á tveimur flokkum eins og fyrir 90 árum?

>>>

Þar skriplaði á skötu, Össur. 8. mars 2006

Spurningin er hvort það orki tvímælis að þiggja boðsferðir Tævana. Það er gild spurning og eðlilegt að farið sé yfir málið. Það er líka eðlilegt að einhver viðmið eða prinsipp séu til um það hvað telst á hverjum tíma eðlilegt og viðeigandi. Svarið við spurningunni hvort boðsferðin orki tvímælis er skýrt af minni hálfu, að svo er ekki. Fyrir því eru nokkrar ástæður.

>>>

Blair: Guð tók ákvörðunina með mér. 6. mars 2006

En svör hans bera með sér málsvörn rökþrota manns. Nauðvörnin er að vísa í Guð og fela honum að fella dóma yfir ákvörðuninni. Þar með er ekki hægt að gera Blair ábyrgan fyrir innrásinni, því að Guð réði málinu og það er ekki heldur hægt fyrir dauðlegu mennina að deila við Guð. Með öðrum orðum það er ekki hægt að ræða málið og deila um það, menn verða að beygja sig undir vilja Guðs. Blair verður ekki gagnrýndur.

>>>

Röðin er komin að Norðvesturkjördæmi. 3. mars 2006

Röðin er komin að Norðvesturkjördæmi, það er rétt hjá formanni Framsóknarflokksins og forsætisráðherra. Eitt og annað ágætt hefur áunnist á kjörtímabilinu, en samt eru hvergi á landinu jafnstór landssvæði með jafnalvarlega fólksfækkun. Þar þarf á næstu árum að sýna einbeittan pólitískan vilja til þess að hrinda í framkvæmd tillögum sem liggja fyrir.

>>>

Notendagjöld: skattur fátæka fólksins. 28. febrúar 2006

Niðurstaða mín verður þá sú að notendagjöld leggjast þyngra á tekjulága og fátæka en aðra þjóðfélagshópa, verka eins og sérstakur skattur á þann hóp. Eðlilegt er að lækka hlut notendagjalda og færa hann yfir í almenna skattheimtu ríkisins. Aðhaldið á kostnaðinn í heilbrigðiskerfinu á að beinast að þeim 30% heildarútgjaldanna sem rannsóknir sýna að séu vegna óþarfra rannsókna, meðferða eða lyfja og eiga sér rætur í ákvörðunum heilbrigðisstarfsmannanna. En hlífum fátækum og börnum þeirra.

>>>

Eina á kollótta. 26. febrúar 2006

Eðlilegt er að láta þessi pólitísku viðhorf ná til upphafsins, nýtingu fiskimiða landsins. Það verður helst gert með því að ætla útgerðarstöðum hlut af atvinnustarfseminni í sjávarútvegi. Einfaldasta leiðin er sú elsta, að þeir sem nýta auðlindina greiði afgjald í nærliggjandi sveitarsjóð. Þannig fái íbúarnir sitt afgjald rétt eins og þegar vatnsorkan og jarðhitinn eru hagnýtt. Á hverju ári eru greiddir milljarðatugir króna fyrir aðganginn að fiskimiðunum og fer fjárhæðin vaxandi. Sanngjarnt er að "á kollótt" renni til nærliggjandi byggðarlaga og peningarnir nýtist til þess að styrkja atvinnustarfsemi og búsetu þar.

>>>

Til hvers eru notendagjöld í sjúkratryggingum? 24. febrúar 2006

Eðlileg ályktun er að hafa notendagjöld sem lægst, enda þá minnstar líkur á því að gjöldin valdi mismunun eftir efnahag og vitað er að beint samband er milli efnahags og veikinda. Mér finnst ágætt að ljúka þessum pistli með þessari "marxískri" tilvitnun um heilbrigðiskerfið: Heilbrigðisþjónustu á að veita samkvæmt þörf, en ekki getu til þess að greiða fyrir hana. Kostnaði við heilbrigðisþjónustu á að skipta niður á þegnana eftir getu til þess að greiða, en ekki þörf fyrir þjónustu.

>>>

Væntingarnar villa af leið. 22. febrúar 2006

Einkaneysla er annar ágætur mælikvarði. Hún mun verða um 21% meiri pr. mann á þessu ári skv. spám fjármálaráðuneytisins en hún var árið 2003. Það er ekki lítil aukning á svo stuttum tíma. Hver maður mun að jafnaði eyða um fimmtungi meira nú en fyrir þremur árum. Umreiknað í krónur þýðir þetta að einkaneyslan verður um 200 milljörðum króna meiri á þessu ári en árið 2003. Það jafngildir um 2 milljónum króna hjá hverri þriggja manna fjölskyldu.

>>>

Hæstu heildarlaunin, hæsta verðlagið og lengstur vinnutími. 19. febrúar 2006

En það er greinilegur munur á Íslandi og hinum löndunum hvað varðar framleiðni í atvinnulífinu og verðlag, þar sem við erum eftirbátar frænda okkar. Ekki síður er greinilegur munur á fjölskyldu- og velferðarstefnu landanna, þar sem Ísland sker sig úr með lægri skattheimtu, minni jöfnuð og þyngri byrði fjölskyldnanna af heilbrigðisþjónustunni, menntun og tómstundum barnanna. Þarna staldra ég vil og spyr hvort þessi fjölskyldustefna sé vænleg til framtíðar litið? Ég hef um það efasemdir.

>>>

Virk pólitísk umræða - nýtt efni þriðja hvern dag. 15. febrúar 2006

Stjórnmálaflokkarnir verða líka að endurmeta starfshætti sína í ljósi breyttra aðstæðna. Eitt af því sem ég tel að gera þurfi er að færa mikilvægar ákvarðanir til flokksmannanna. Breyta þarf því að fámennur hópur valinna flokksmanna ráði þeim. Kosning á formanni flokksins og val á frambjóðendum til Alþingis eða sveitarstjórna eru dæmi um ákvarðanir sem hver og einn flokksmaður á að koma að.

>>>

Stórhættuleg stóriðjuumræða. 12. febrúar 2006

Áframhaldandi boðun gífurlegra framkvæmda veldur áframhaldandi væntingum um háa stýrivexti og þar af leiðandi áfram hátt gengi. Störfum í sjávarútvegi, einkum fiskvinnslu mun fækka, ferðaþjónusta verður í viðvarandi erfiðleikum og íslensk fyrirtæki munu halda áfram að flytja störf úr landi. Ójafnvægið leiðir af sér að óvíst er um heildarávinninginn. Þeir, sem munu tapa eru íbúar á landssvæðum utan álveranna, þar mun störfum fækka vegna framkvæmdanna.

>>>

Kvótakerfið ófullnægjandi og óvinsælt. 8. febrúar 2006

Þingeyingar vilja ráða því að orkan í jörðu verði aðeins nýtt til atvinnusköpunar í sýslunni og ekki flutt burtu. Ég er eiginlega sammála þeim. Það er sanngjarnt að náttúrurauðlindin verði þeim til uppbyggingar. Sama má segja um sjávarauðlindina. Það má minna á að landnámsmaður Bolvíkinga, Þuríður sundafyllir, sem setti Kvíarmið, tók á kollótta af hverjum sem nýtti þau mið. Bolvíkingar voru sem sé frumkvöðlar í gjaldtöku fyrir auðlindanýtingu.

>>>

Mesta fylgi Framsóknarflokksins er í Norðvesturkjördæmi. 5. febrúar 2006

Fylgi Framsóknarflokksins mælist mest í Norðvesturkjördæmi og er 19%. Næst kemur Suðurkjördæmi, en þar er fylgið 16% og Norðausturkjördæmið sjálft er aðeins í þriðja sæti með 15%. Í Suðvesturkjördæmi er mælist fylgið 9%. Restina rekur svo Reykjavík með 7% fylgi í norðurkjördæminu og 5% fylgi í suðurkjördæminu.

>>>

Aðeins eitt álver – og það fyrir norðan 1. febrúar 2006

Til þessa hefur svarið verið: eitt álver. Einmitt vegna þess kom staðsetning næsta álvers til umræðu á síðasta flokksþingi Framsóknarflokksins. Samþykkt var tillaga með ríflegum meirihluta að það yrði á Norðurlandi. Framsóknarflokknum ætti að ekki vera skotaskuld úr því að bera þá samþykkt fram til sigurs með iðnaðarráðuneytið og sjálft forsætisráðuneytið í ríkisstjórninni, og hver á svo sem að vera á móti? Sjálfstæðisflokkurinn?

>>>

Tvær fylkingar 30. janúar 2006

En úrslit prófkjörsins sýna tvær nokkurn vegin jafnstórar fylkingar. Enginn frambjóðandi fékk hreinan meirihluta. Björn Ingi Hrafnsson, sem vann, fékk rúmlega 45% greiddra atkvæða og hin tvö fengu samanlagt jafnmörg atkvæði í 1. sætið og Björn Ingi. Ef notuð hefði verið sú aðferð að sigurvegari verði að fá hreinan meirihluta í sæti, þá færi fram önnur kosning milli tveggja efstu og þá hygg ég að óvíst yrði hvor ynni.

>>>

Flokkur út á kant ? 26. janúar 2006

Í svörum mínum kom ekki annað fram, en það sem ég hef áður gert grein fyrir í þingflokknum. Svörin vildi ég ekki gefa fyrr á fundinum vegna þess að þá voru fréttamenn viðstaddir. Ég kom ekki í bakið á neinum, eins og Gunnar Bragi heldur fram. Hins vegar fer hann í bakið á mér og öðrum þingfulltrúum með því að fara opinberlega með rangt mál

>>>

Valfrelsi flokksmanna verði virt. 24. janúar 2006

Menn mega ekki gleyma því að forysta hverju sinni á ekki flokk. Það eru félagsmennirnir sem eiga flokkinn. Í Framsóknarflokknum eru 10 þúsund manns. Mikilvægar ákvarðanir flokksins verða að endurspegla vilja þeirra. Val á forystusveit verður að fara fram með þeim hætti að félagsmennirnir hafi aðgang að valinu og séu óþvingaðir við það.

>>>

Flokkseigendafélagið og sýndarlýðræði. 22. janúar 2006

Þetta er yfirþyrmandi samansafn helstu valdamanna flokksins, innan sem utan sveitarfélagsins, sem eru að gefa út sinn vilja um það hver eigi að taka við forystusætinu af Alfreð, sem ákvað skyndilega að hætta þvert á fyrri yfirlýsingar. Hvers konar prófkjör er háð við þessar aðstæður? Flokkseigendafélagið, sem Egill kallar svo, hefur gefið út línuna, það dylst engum.

>>>

Þenslan er þjóðinni dýr. 19. janúar 2006

Þenslan í íslensku efnahagslífi er þjóðinni dýr. Vegna þenslunnar eru hærri vextir en ella væri. Erlent lánsfé er hægt að lána hér innanlands með 6 – 7% hærri vöxtum en greitt er af því til erlenda lánveitandans. Vegna þenslunnar er verðbólga meiri en annars væri. Við þessar aðstæður þurfa stjórnvöld að draga úr umsvifunum og forðast að taka ákvarðanir sem viðhalda þensluástandinu til næstu ára. Annars munu störfin sem álverin skapa ryðja út af vinnumarkaðnum öðrum störfum, sem einkum eru í sjávarútvegi, ferðaþjónustu og öðrum útflutningsgreinum.

>>>

Þjórsárver verða friðuð. 16. janúar 2006

Það er ekki vænlegt til árangurs að berjast fyrir máli sem kjósendur eru á móti. Bág staða Framsóknarflokksins í höfuðborginni er kannski ekki tilviljun heldur skýrist að einhverju leyti af málatilbúnaðinum. Það er nefnilega þannig að allt á sín takmörk, stóriðjustefna sem annað og umhverfismál eru mál sem kjósendur telja mikilvæg og stjórnmálaflokkur verður að endurspegla þau viðhorf, ætli hann að afla sér stuðnings kjósenda.

>>>

Ekkert hjartans mál. 12. janúar 2006

Í framhaldi af ummælum sínum “persónulega þá er þetta ekkert hjartans mál í mínum huga” sagði iðnaðarráðherra ennfremur “ég var bara að gegna mínum skyldum í raun með því að fara að vilja Alþingis og heimila framkvæmdina”. Þetta er ekki síður mikilvæg yfirlýsing. Með henni undirstrikar ráðherrann að hann leggi sjálfur ekkert til heldur vísar málinu til Alþingis, löggjafarvaldið eigi að kveða uppúr með vilja sinn.

>>>

Þjórsárver verði friðuð. 9. janúar 2006

En staðreyndin er hins vegar sú að innan Framsóknarflokksins eru margir sem vilja láta gott heita í áformum um frekara rask og friða verin. Til marks um það þá var flutt tillaga á síðasta flokksþingi Framsóknarflokksins, sem haldin var fyrir tæpu ári, um friðun Þjórsárvera. Auk mín var flutningsmaður Steingrímur Hermannsson, fyrrverandi formaður Framsóknarflokksins.

>>>

Hjónavíglsuskilyrðin eiga að vera í hjúskaparlögum. 5. janúar 2006

Eitt skilyrðið í hjúskaparlögunum er bann við því að vígja mann sem er í hjúskap og á það bann auðvitað við um bæði kynin. Nú eru til trúfélög sem heimila fjölkvæmi. Má þar nefna til mormónatrú og islam. Þau trúfélög myndu væntanlega vilja afnema bannákvæðið í hjúskaparlögunum. Eigum við þá að nota kemur mér ekki við röksemdafærluna og segja sem svo: þetta er málefni trúfélagsins?

>>>

Falleinkunn fólksins. 2. janúar 2006

Þetta eru skýrar og afdráttarlausar niðurstöður. Óvenju ákveðinn dómur almennings. Í stuttu máli fær ríkisstjórnin falleinkunn. Þessum dómi er ekki hægt að áfrýja, honum verða menn að una og gera það eina sem rétt er, að taka mark á skilaboðunum og taka til hendinni og það fyrr en seinna. Það er beðið eftir ríkisstjórninni í Norðvesturkjördæmi. Hún á leikinn og getur með skynsamlegum viðbrögðum snúið stöðunni sér í vil.

>>>

Launastefna í ógöngum. 29. desember 2005

Fjármálaráðherrann ber ábyrgð á launastefnu ríkisins og verður að standa sig í starfinu. Sá vandi sem hann hefur búið til hverfur ekki þótt úrskurði Kjaradóms verði breytt. Borgarstjórinn í Reykjavík hefur með stuðningi allrar borgarstjórnar kannski búið til stærsta vandann og getur ekki hlaupið frá honum. Sá vandi hverfur heldur ekki þótt úrskurði Kjaradóms verði breytt. Ríkisstjórnin, Reykjavíkurborg og verkalýðshreyfingin verða að ná samkomulagi um leiðina út úr þeim ógöngum sem launastefnan er komin í. Leiðin þarf að tryggja bættan hag láglaunafólks, stöðugleika í efnahagslífinu og lága verðbólgu. Ef það tekst vinna allir.

>>>

Íbúðalánasjóður: Almenningi til hagsbóta 24. desember 2005

Ef Íbúðalánasjóður yrði sleginn af myndi vextir á húsnæðislánum hækka samstundis og ég spái því að hækkunin yrði a.m.k. 2%. Sú hækkun myndi síðan ganga yfir vaxtastig á öðrum viðskiptum en húsnæðislánum. Í heildina má áætla að kostnaður almennings af núverandi skuldum sínum myndi hækka um 20 – 30 milljarða króna á hverju ári. Það verður kostnaðurinn af einkavæðingu Íbúðalánsjóðs, fyrir utan lakari þjónustu við stór svæði á landsbyggðinni.

>>>

Bændur verða blórabögglar. 18. desember 2005

Ég held að menn eigi að spara fullyrðingar sínar um væntanlegan sparnað neytenda af niðurfellingu tolla og vörugjalda af þeim landbúnaðarvörum, sem falla þar undir, menn ættu að spara lofgjörðina um frjálsa markaðinn þar til að skýrt hefur verið af hverju fjármálamarkaðurinn er líklega sá dýrasti í heiminum. En hættum að gera bændur að blórabögglum, þeir eiga það ekki skilið. Enginn þeirra á þrjá milljarða króna í KB banka.

>>>

Milljarðamæringavæðingin á fullu. 13. desember 2005

En það er samt morgunljóst að mjög fáir eru að hreppa miklar fjárhæðir og að þeir eru að greiða lítið til samfélagsins. Þarna liggur helsti vandi íslenskra stjórnmálamanna. Þarna er helsti eldsmatur stjórnmálanna. Á þessu á að taka. Með því að auka skattlagninguna þannig að hún nálgist skattlagning á almennar launatekjur og nota þá peninga til þess að færa þeim sem lítið hafa.

>>>

Árangur þagnarinnar. 8. desember 2005

Ríkisstjórnin hefur tekið þá ákvörðun að Byggðastofnun haldi áfram að sinna helsta hlutverki sínu, að stunda lánveitingar. Það er niðurstaðan eftir tveggja vikna pólitíska umræðu um stofnunina á opinberum vettvangi. Ég beitti mér í því máli bæði leynt og ljóst og með góðum árangri að því er ég tel. Það gerðu fleiri alþingismenn.

>>>

Hægri og vinstri sameinast á Alþingi. 7. desember 2005

En aðalatriðið er að munurinn á skattastefnunni er harla lítill. Í heildina gerir tillaga Samfylkingarinnar ráð fyrir að afla tveggja milljarða kr. aukinna tekna. Það er ekki mikið í ljósi þess að þessir skattstofnar skila um 200 milljörðum króna í tekjur. Hitt málið sem mér þótti athyglisvert er hversu náið samstarf er milli Vinstri grænna og Frjálslynda flokksins, einkum vegna þess að annar flokkurinn skilgreinir sig sem vinstri flokk og hinn sem hægri flokk.

>>>

Samfylkingin veikir sig. 5. desember 2005

Afleiðingin hlýtur að vera dvínandi tiltrú á flokknum, þess vegna kemur mér ekki á óvart að fylgið við hann lætur undan síga um þessar mundir. En þetta mál sýnir kannski hvað best styrkleika Framsóknarflokksins, menn geta leyst það erfiða verkefni að ná samkomulagi við aðila vinnumarkaðarins og koma því í höfn.

>>>

Byggðastofnun lánar aftur. 3. desember 2005

Í vikunni kom pólitísk niðurstaða um Byggðastofnun. Stofnunin mun halda áfram að lána, störfum verður ekki fækkað og ekki verður dregið úr starfseminni á Sauðárkróki. Allar helstu kröfur sem ég setti fram í síðustu viku hafa náð fram að ganga. Ég fagna því. Nefnd sem ráðherrann skipaði fyrir nærri hálfu ári hefur greinilega unnið mjög hratt síðustu daga.

>>>

Loksins eitthver hreyfing. 27. nóvember 2005

Eftir að ég vakti athygli á stöðu Byggðastofnunar í síðasta pistli og fann að aðgerðarleysi ráðherra og ríkisstjórnar hafa hjólin loksins farið að snúast. Iðnaðarráðherra hefur síðan lýst því yfir að þegar verði að finna lausn á vanda stofnunarinnar a.m.k. til skamms tíma og einnig að störfum verði ekki fækkað hjá stofnuninni. Þá sé þess að vænta að tillögur liggi fyrir í þessari viku. Það er veruleg bót að þessum yfirlýsingum, sem ég fagna, en til viðbótar þarf að vera ljóst að ekki verði dregið úr umsvifum Byggðastofnunar á Sauðárkróki. Um slík áform, ef þau eru fyrir hendi, getur ekki orðið samstaða.

>>>

Byggðastofnun á brauðfótum. 25. nóvember 2005

Vissulega getur það komið til greina að gera breytingar á stoðkerfi atvinnulífsins og byggðaþróunar sem ríkið heldur úti með Byggðastofnun, Nýsköpunarsjóði atvinnulífsins og atvinnuþróunarfélögunum. En þá á að taka stoðkerfið til umræðu og vinna skynsamlegar tillögur um breytingar á því og hafa þær tilbúnar í tíma. Það nær ekki nokkurri átt að kasta fram skýrslunni þegar allt er komið í hönk og vera með loðnar yfirlýsingar um stuðning við stofnunina eins og hún er og enn loðnaði svör um hver skuli stefna. Ég sé ekki neina skynsemi í því að umbylta kerfinu í þeirri kastþröng sem hefur orðið til vegna þess að Byggðastofnun hefur lokað fyrir frekari lánveitingar.

>>>

Hóf er best í hverju máli. 21. nóvember 2005

Breytingarnar hafa verið róttækar og gengið hratt yfir. Einstaklingsmiðuð ábatafíkn hefur krafist viðurkenningar og siðferðilegrar réttlætingar. Enginn skortur hefur verið á málsbótarmönnum græðginnar sem veifa aflátsbréfum fyrir óhófið. Mönnum sem réttlæta sniðgöngu frá skatti með öllum tiltækum ráðum, mönnum sem eignast milljarða króna á fáum árum og finnst að heimurinn eigi þeim mikið að þakka fyrir snilldina.

>>>

Neytendasamtökin: Í öllum tilvikum eru vextir hæstir á Íslandi. 17. nóvember 2005

Munurinn á vöxtunum á Íslandi og Norðurlöndunum er frá 2 til 7 prósentustigum og þegar tekið er tillit til verðbólgu í löndunum, svonefndir raunvextir, er munurinn á Íslandi og hinum Evrópulöndunum frá 2 til 5 prósentustigum. Ef við tökum meðaltalið og segjum að vextirnir séu um 4,5% hærri á Íslandi en á Norðurlöndunum eru það 13,5 milljarðar króna á hverju ári af 300 milljarða króna húsnæðislánum viðskiptabankanna. Það er mikil kaupmáttaraukning fólgin í því að Íslendingar fái svipuð kjör og bjóðast í samanburðarlöndunum, líklega sambærileg og lækkun tekjuskatts um 2,5%. Vaxtaokrinu verður að linna.

>>>

Úlfar á ferð 15. nóvember 2005

Þriðju vonbrigðin eru að bankarnir hafa ekki getað bætt kjör okkar, þeir hafa ekki fært okkur heim erlend lánskjör. Þeir hafa bara fært heim erlent lánsfé og lánað það á íslenskum himinvöxtum en ekki á erlendum vöxtum. Viðskiptavinir íslensku viðskiptabankanna eru að greiða 15 – 21 milljarða króna meira í vexti á hverju ári af þessum 300 milljörðum króna, sem þeir hafa tekið að láni síðasta árið vegna íbúðarhúsnæðis, en þeir gerðu ef vextirnir væru á erlendu vaxtastigi

>>>